2 Reyes 23:2 - Qullan Arunaca

² Ucjjarusti Tatitun temploparuwa sarapjjäna reyisa, Judá orakenquiri take jakenacasa, uqhamarac Jerusalenanquir jakenacasa, sacerdotenacasa, profetanacasa, uqhamarac wawanacasa, jach'a jakenacasa, take marcpachaw sarapjjäna. Tatitun templopansti jach'atwa reyejj jupanacatac leet'arapïna cuntï sumancäwir mantat librojj siscäna uca cawquïr librotï Tatitun templopana jicjjatatäcäna ucata.

Aymar Bibliia 1986

² Ucjjarusti Tatitun temploparuwa sarapjjäna reyisa, Judá orakenquiri take jakenacasa, uqhamarac Jerusalenanquir jakenacasa, sacerdotenacasa, profetanacasa, uqhamarac wawanacasa, jach'a jakenacasa, take marcpachaw sarapjjäna. Tatitun templopansti jach'atwa reyejj jupanacatac leet'arapïna cuntï sumancäwir mantat librojj siscäna uca cawquïr librotï Tatitun templopana jicjjatatäcäna ucata.

Qullan Arunaka DC

² Ukat Tatitun utaparu sarapxäna, Judá uraqinkir taqi jaqinakampi, Jerusalenankir jaqinakampi, sacerdotenakampi, profetanakampi, taqpach markampi; wawanakat qalltasina, jach'a jaqinakkama. Ukansti jach'at reyix jupanakatak ullart'arapïna, Tatitun utapan jikxataskatayna uka arust'äwi qillqat arunakax siskän ukanaka.

2 Reyes 23:2 Jak'a apnaqawi uñst'ayäwi

Génesis 19:11

ankanquir jakenacarusti juyqhuptayapjjaraquïnwa. Takeni chuymani jakenacatpacha waynanaccama, uqhamaw juyqhu uñjasipjjäna puncu taccäwisa karirapjjaraquïnwa.

1 Reyes 8:9

Arcanjja janiw cuna yakhas utjcänti, jan ucasti Moisesajj Horeb chekana kalat lurat pä tablanaca uchcäna ucaquiwa ucancäna, Egiptot mistunipcäna ucqha Tatitojj sumancäwir tablanaca israelitanacampi lurcäna uca.

2 Reyes 22:8

Hilcías sumo sacerdotejja yatiyänwa Safán sat kellkeriru, Tatitun templopana leyi libronaca jicjjatatapata. Ucsti churänwa Safán chacharu, jupasti leet'araquïnwa.

2 Crónicas 15:13

Ucatsti arsupjjaraquïnwa qhititejja Israelan Tatit Diosaparu jan thaktañ muncani ucajja jiwayatäñampi juchañchatäñapa, jach'äpansa, jisc'äpansa, chachäpansa, warmïpansa.

2 Crónicas 17:9

Jupanacarusti qhitänwa Tatitun leyipa librupampi Judá orakenquir jakenacaru yatichanipjjañapataqui. Ucatsti jupanacajj Judá chekanquiri take marcanacwa muytapjjäna jakenacaru yatichasina.

Nehemías 13:1

Qhaya urunsti Moisesan libropajja jakenacana uñjcatawa leet'atäna, uca kellkatanaracwa jicjjatasïna amonitanacasa, moabitanacasa janipuni Diosan marcapancañapajj waquisitapa,

Nehemías 9:3

Jupanacajj uca pachpancasipcäna ucqhasti, quimsa horawa Tatit Diosan leyi libropajj leet'asïna takenin uñjcata, uqhamaraquiw yakha quimsa horaraqui juchanacapa arsusipjjäna, uqhamarac Tatiturus yupaychapjjaraquïna.

Ester (hebreo) 1:5

Uca fiesta tucuyasinsti reyejj yakha fiestampi luräna pakallko uru, palaciopan patio jardinapana. Uca fiestarusti take Susa marcan jaquir jakenacaruw jawsayäna, qhitinacatejj wali aytat jakenacäpqui ucanaca, uqhamarac jan aytatäpqui ucanacarusa.

Job 3:19

ucanjja jisc'as jach'as mayaquiw ucancapjje, esclavo jakesa uywiripatjja khespiyataquiw jicjjatasjjaraqui.

Salmos 115:13

Tatitur iyawsirinacarojj asquinac churani, jisc'arusa, jach'arusa.

Jeremías 34:8

Tatitusti wasitatwa Jeremiasarojj parljjayaraquïna, cunapachatejj Sedequías reyejj mä arust'äwi lurcatayna take Jerusalén marcan jaquiri jakenacampi take esclavonacaru antutjjañataqui, uca khepata.

Hechos 26:22

Ucampis Diosan yanapapampejj jichhacamaw juparojj jan pächasisa arcascta. Diosan arunacap takenir yatiyasa, jisc'arus jach'arusa. Janiw cunapachas yakha arunacjja parlcti, cuntejj profetanacajj uqhamarac Moisesas arsupcäna, uqhamarac cunatï khepa urunacan phokhasiñapäcäna ucanacatjja:

Deuteronomio 31:26

“Aptapjjam aca leyinacan libro, ucatsti uchapjjam Diosan Sumancayiri Arcap thiyaru, ucqhan jumanac contra mä testigot uchatäpan.

Apocalipsis 20:12

Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.

1 Samuel 30:2

Amalecita jakenacasti uca marcan utjiri warminacarusa, take wawanacarusa, chachanacarusa preso apapjjaraquitayna, jan maynirus jiwarayapcchïna ucasa.

1 Samuel 5:9

Cunapachatejj uca arca apjjapjjän ucqhasti, Tatitojj marcanjja cunayman jan walt'añanacwa sartayäna, jakenacarusti cunayman janchi p'usunacampiw chhojjriñchjaraquïna, jach'ata jisc'acama.