2 Reyes 23:12 - Qullan Arunaca

¹² Ucjjarusti tucjaraquïnwa Judänquir reyinacajj Acaz chachan salapana alto chekaru altaranaca lurayapcäna ucanaca, uqhamarac tucjaraquïna Manasés chachajj altaranac luraycäna Tatitun templo patiopana, ucanaca; tucjasinjja t'unanacapjja Cedrón sat jawira umakataruwa willtanïna.

Aymar Bibliia 1986

¹² Ucjjarusti tucjaraquïnwa Judänquir reyinacajj Acaz chachan salapana alto chekaru altaranaca lurayapcäna ucanaca, uqhamarac tucjaraquïna Manasés chachajj altaranac luraycäna Tatitun templo patiopana, ucanaca; tucjasinjja t'unanacapjja Cedrón sat jawira umakataruwa willtanïna.

Qullan Arunaka DC

¹² Ukhamarus kawkïr altaranaktix Judá marka apnaqir reyinakax Ahaz chachan utap patar lurapkatayna uka altaranak t'unjäna, ukhamaraki kawkïr altaranaktix Manasés chachax, Tatitun utap anqäxanakan lurkatayna ukanaksa; t'unjasasti t'unanakapxa Cedrón jawiraruw willtanïna.

2 Reyes 23:12 Jak'a apnaqawi uñst'ayäwi

1 Reyes 15:13

Uqhamaraquiw Maaca sat awichapan tayca reina cancañapa apakäna, jupana Asera sat c'ari diosa lurayatapata. Asa reyisti uca c'ari diosjja tucjänwa, ucatsti Cedrón sat uma jalsu chekanwa naqhantayäna.

2 Reyes 10:26

Ucatsti apsunipjjänwa wali ajjsarata lawanaca, ucatjja ninampiwa naqhantayapjjäna.

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

2 Reyes 21:5

Tatitun templopana paypacha patiopanjja yakha altaranacwa lurayäna, ucatsti alajjpachanquir take warawaranacaruwa ucanacjja loktäna.

2 Reyes 23:4

Ucatsti reyejj Hilcías sumo sacerdoterusa, payïri sacerdoterusa, uqhamarac puncu uñjirinacarusa aqham sänwa: “Tatitun templopatjja apsunipjjam Baal diosan, Asera diosan take yänacapa, uqhamarac alajjpachanquir warawaranacan yänacapsa” sasa. Ucatjja ucanacjja ninampiwa naqhantayäna Jerusalén marca ankäjjana Cedrón chekana, ucatsti Betel chekaruw khellanacapjja apjjäna.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Crónicas 15:16

Ucjjarusti Asa reyejj Maaca sat awichapatjja apakayänwa reinanacan taycapa sat sutipa, jupajj Asera diosan mä lantipa lurayatap laycu. Asa reyisti uca idoljja jisc'a jisc'wa t'unjayäna, ucatsti Cedrón jawiranwa phuchcatayäna.

2 Crónicas 33:15

Ucjjarojj Tatitun templopatjja apakayaraquïnwa yakha marcanacanquiri diosanacaru, uqhamarac uca diosarusa, kollu patanquir templotwa apakayaraquïna c'ari diosanacataqui take altaranaca luraycäna ucanaca, uqhamarac Jerusalenatsa, ucatsti marcat ankäjjaruwa jakonucuyäna.

2 Crónicas 33:5

Ucjjaru yakha altaranacjja Tatitun templopana paypacha uta ankäjjanacaparuwa lurayäna, ucatsti ucanacjja alajjpachanquir take warawaranacaruwa loktäna.

Jeremías 19:13

Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Jeremías 31:40

Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.

Sofonías 1:4

“Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Sofonías 1:5

Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Deuteronomio 22:8

“Cunapachatejj maynejj mä machak uta lurasini, uta patapan terrazarojj mä perkampi muyuntayañapawa; uqhamatwa familiapajj jan juchañchata uñjasini, qhititejj uca terrazat jalaktasin jiwcaspa ucatjja.