2 Reyes 23:11 - Qullan Arunaca

¹¹ Ucatjja apakayaraquïnwa Judänquiri reyinacajj intiru loktapcäna uca caballonaca; ucanacasti jicjjatasïnwa Tatitun temploparu mantañawjana, Natán-melec uca chachan utap jac'ancaraquïnwa. Jupasti cunanacatejj ucan utjcäna ucanac uñjirïnwa, ucatjja intir yupaychañ carronacapsa naqhantayaraquïnwa.

Aymar Bibliia 1986

¹¹ Ucatjja apakayaraquïnwa Judänquiri reyinacajj intiru loktapcäna uca caballonaca; ucanacasti jicjjatasïnwa Tatitun temploparu mantañawjana, Natán-melec uca chachan utap jac'ancaraquïnwa. Jupasti cunanacatejj ucan utjcäna ucanac uñjirïnwa, ucatjja intir yupaychañ carronacapsa naqhantayaraquïnwa.

Qullan Arunaka DC

¹¹ Ukatsti Tatitun utapar mantañ chiqan utjkän uka caballonak apaqäna, nuwasïwir sarañ carronakap nakhantayarakïna, ukanakasti utanak uñjir Natán-mélec sat chachan utap jak'ankänwa. Judá markankir reyinakaw uka caballonakampi, carronakampi apnaqapxirïna inti diosar yupaychañataki.

2 Reyes 23:11 Jak'a apnaqawi uñst'ayäwi

2 Reyes 23:5

Ucatjja apakayänwa Judá oraken reyinacajj cawquïri sacerdotenacarutejj utt'ayapcäna yakha diosanacaru alto chekan santuarionacapan inciensonaca naqhayañapataqui Judá oraken marcanacapana, uqhamarac Jerusalén muytpachansa. Uqhamaraquiw apakaraquïna cawquïr sacerdotenacatejj incienso naqhayapqui Baal diosaru, intiru, phajjsiru, yakha planetanacaru, uqhamarac alajjpachanquir take warawaranacarusa.

1 Crónicas 26:18

Inti jalsu tokenquir uta ankäjjanjja, pusinïpjjänwa thaqui sarañanjja, uta anka pachpansti paniniraqui.

2 Crónicas 14:5

Apakayaraquïnwa Judá orakenquir take marcanacatjja yakha diosanacar sirviña santuarionaca, altaranacsa. Ucatjja jupan apnakatapanjja samarañawa utjäna.

2 Crónicas 34:4

Jupan nayrakatapanwa tucjapjjäna Baal diosan take casta lantinacapan altaranacapa, ucatsti tucjayänwa incienso naqhayañatac uca patjjaru lurayatäcäna uca altaranaca. Uqhamaraquiw jisc'a jisc'a tucjayäna Asera diosan lantinacapa, yakha diosanaca, uqhamarac hierrot lurat c'ari diosanaca, ucanaca lak'a tucuyasinjja willjjatayänwa qhitinacatejj ucanacar sacrificionaca loktapcäna ucanacan jiwat amayanacapjjaru.

Job 31:26

Intin khanatapsa uñjtwa, phajjsina suma c'ajatapsa uñjaractwa,

Ezequiel 40:17

Ucatsti uca jakejj ankäjja uta mantañaruw irparaquitu. Uca ankäjja uta mantañasti kalanacampi suc'sutänwa, quimsa tunca utanacaw ucaru muytata utjaraquïna.

Ezequiel 8:16

Ucatsti Tatitun templopanquiri mankha uta ankäjjaruw irparaquitu, cawqhatejj Tatitun utapar mantañäqui uca chekaru, altara taypïquis uca chekaru, ucansti pä tunca pheskani jakenaca uñjaracta, santuariotjja khepa tokeru uñtata, inti jalsu tokeru uñtasina alt'ata, intiruwa yupaychasipcaraquïna.

Deuteronomio 4:19

Cunapachatï alajjpach uñtasina intiru, phajjsiru, warawaranacaru uqhamaraqui take ucanacar uñtapjjät ucqhajj jan ucanacar yupaychapjjamti, ucanacsti Dios Tatitu Awquisaw luri take acapach orakenquir marcanacataqui.