2 Reyes 22:13 - Qullan Arunaca

¹³ “Sarapjjam naya laycu Tatitur jisct'iri, uqhamarac take Judá orakenquir jakenac laycuraqui, aca jicjjatata libron cuntï sisqui ucjjata; Tatitusti wali coleratäpachawa jiwasanacataqui. Nayra awquinacasajja janiw aca librojj cuntï sisqui ucarojj ist'apcänti, ni lurapcaraquïnsa cuntejj aca libron kellkatäqui ucarjamajja.”

Aymar Bibliia 1986

¹³ “Sarapjjam naya laycu Tatitur jisct'iri, uqhamarac take Judá orakenquir jakenac laycuraqui, aca jicjjatata libron cuntï sisqui ucjjata; Tatitusti wali coleratäpachawa jiwasanacataqui. Nayra awquinacasajja janiw aca librojj cuntï sisqui ucarojj ist'apcänti, ni lurapcaraquïnsa cuntejj aca libron kellkatäqui ucarjamajja.”

Qullan Arunaka DC

¹³ —Tatitur jiskt'ir sarapxam, kuntix aka qillqatarjam lurañasax wakiski uk yatiñasataki; Tatitux jiwasanakatak wali q'apisitäpachawa, nayra awkinakasax janiw aka qillqatan arunakapar yäqapkänti, janirakiw aka qillqatanakarjamas sarnaqapkänti —sasa.

2 Reyes 22:13 Jak'a apnaqawi uñst'ayäwi

2 Reyes 23:26

Ucampis Tatitojj Judá orakenquirinacataquejj colerataquïscänwa, Manasés reyejj cuna ñankhanactejj Dios nayrakatapana lurcäna ucanacata.

2 Reyes 3:11

Ucatjja Josafat reyejj jisct'araquïnwa: —¿Janit aca chekana Tatitun mä profetapajj utjqui, jupa toke Tatitur jisct'añataquejja? —sasa. Ucatsti Israel reyin mayni oficialapajj sänwa: —Acajjay Safat chachan Eliseo yokapajja, jupasti Eliasan yanapiripänwa —sasa.

2 Crónicas 29:6

Jiwasan nayra awquinacasajj janiw phokhapcänti uca laycu, uqhamarac luratanacapasa janiw chekapäcänti Tatit Diosasan nayrakatapana, ucatjja apanucupjjänwa. Jupanacasti Tatitun utjäwiparojja jisc'achapjjänwa, janiw ut'cjjapjjänti.

2 Crónicas 34:21

—Tatitun ucar jisct'iri sarapjjam nayataqui, uqhamarac Israelana, Judá orakena jilt'apqui uca jakenacataquiraqui, aca librojj jicjjatasqui ucan camsañtï munqui uc yatiñataqui. Tatitojj jiwasanacataqui coleratäpachawa, nayra awquinacasajj Tatitun arunacaparu jan ist'atapata, uqhamarac take cunanacatejj aca libruna kellkatäqui ucana jan phokhasitapata.

Nehemías 9:3

Jupanacajj uca pachpancasipcäna ucqhasti, quimsa horawa Tatit Diosan leyi libropajj leet'asïna takenin uñjcata, uqhamaraquiw yakha quimsa horaraqui juchanacapa arsusipjjäna, uqhamarac Tatiturus yupaychapjjaraquïna.

Salmos 106:6

Nayra awquinacajjar uñtataw jucha lurapjjta, cunayman ñankhanaca, juchanac lurapjjta.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Salmos 76:7

Jumajj ajjsarcayapunïtawa: ¿Qhitirac nayrakataman sayt'aspasti? ¿Qhitirac k'apisiñamar saycataspasti?

Salmos 76:8

Diosay, alajjpachatpach arsutam yatiytajja: orakejj ajjsariwa, amuct'araquiwa,

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 16:12

Jumanacasti uca nayra awquinacamat sipansa juc'ampi jan walïpjjtawa, sapa maynisa chuymanacapan jan wali amtatanacaparuquiwa arcjjapjje, janiraquiw nayarojj ist'apquituti.

Jeremías 36:7

inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 44:17

Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Lamentaciones 5:7

Awquinacasaw jucha lurapjjänjja, ucampisa jiwasaw jichhajj uca juchanacatjja t'akhesipjjtanjja.

Daniel (hebreo) 9:10

janiraquiw arunacamsa ist'apcti, nanacan Dios Tatitojja, cuna yatichäwinactejj profeta sirvirinacam toke churapquista ucanacsa janiw ist'apcaractti.

Levítico 26:14

“Ucampisa jumanacatejj jan nayaru ist'apquitäta, janiraqui camachi arunacajjsa phokhapcätati,

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Nahúm 1:6

¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Romanos 3:20

Chekpachansa janiw qhitis uca leyirjam sarnakatap laycojj Diosan nayrakatapanjja catokatäcaniti. Uca leyisti jiwasanacan juchanïtas uñt'ayañataquiquiwa.

Romanos 4:15

Leyejja mutuñacwa apani, ucampis cawquintejj jan leyejj utjqui ucanjja janiraquiw cunas ley contrajj utjquiti.

Romanos 7:9

Nayasti mä urunacanjja jan leyiniw jacäyäta, ucampis ley jutipanjja juchajj jactjjewa, nayasti jiwjjaractwa.

Deuteronomio 27:26

‘Maldicitäpan cawquïritejj jan aca yatichäwinacar ajjsarcani, uqhamarjamasa sarnakcaraquiniti ucajja.’ Ucatsti takpach marcaw sani: ‘Uqhamäpan’ sasa.

Apocalipsis 6:17

Jach'a t'akhesiñ urojj purinjjewa, ¿qhitirac jichhasti sayt'asispa?”