2 Reyes 22:10 - Qullan Arunaca

¹⁰ Ucjjarusti Safán kellkerejj reyirojj yatiyaraquïnwa, Hilcías sacerdotejj mä libro jupar churatapata, ucatsti Safán sat kellkerejj reyitaquejj leet'arapïnwa.

Aymar Bibliia 1986

¹⁰ Ucjjarusti Safán kellkerejj reyirojj yatiyaraquïnwa, Hilcías sacerdotejj mä libro jupar churatapata, ucatsti Safán sat kellkerejj reyitaquejj leet'arapïnwa.

Qullan Arunaka DC

¹⁰ Ukhamarus, Hilquías sacerdotex aka qillqat jikxatatayna, uksti nayaruw katuyitu. Akax uka qillqataxa —sasa. Ukat Safán qillqirix reyitak ullart'arapïna.

2 Reyes 22:10 Jak'a apnaqawi uñst'ayäwi

2 Reyes 22:11

Ucat reyejj ley librojj cuntï siscäna ucanac ist'asinjja, isipwa ch'iyanokasïna.

2 Reyes 22:9

Ucat Safán kellkerejj ucjjata yatiyiriw saräna, aqham sasa: —Juma reyin sirvirinacamawa templona utjcäna uca kollke umatatayapjje, ucatsti churapjjewa Tatitun templopa asquichayañataqui qhitinacatejj utt'ayatäqui ucanacaru —sasa.

2 Crónicas 34:18

Uqhamaraquiw Safán chachajj reyir yatiyaraquïna Hilcías sumo sacerdotejj mä libro churcäna ucata, ucatsti jupajj reyitaquiw uca librot leet'arapïna.

Nehemías 13:1

Qhaya urunsti Moisesan libropajja jakenacana uñjcatawa leet'atäna, uca kellkatanaracwa jicjjatasïna amonitanacasa, moabitanacasa janipuni Diosan marcapancañapajj waquisitapa,

Nehemías 8:18

Uca fiestjja lurapjjänwa pakallk uru, nayrïr uruta kalltasina khepa urucama, Esdrasasti sapüruwa librota Diosan leyipa leet'erïna; ucatsti quimsakallkör urunsti mä jach'a asqui tantachasïwiwa utjäna, cunjämtï lurañäcäna uqhama.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 36:13

Micaiasasti yatiyaraquïnwa take cuntejj ist'catayna ucanaca cunapachatejj Baruc chachajj take jakenac nayrakatan uca rollo leet'catayna uca.

Jeremías 36:15

Uca jilïrinacasti sapjjaraquïnwa: “Kont'asim ucatsti uca rollot leet'arapipjjaraquita” sasa.

Jeremías 36:21

Reyisti Jehudí sat jakeruw qhitaniraqui uca rolljja Elisama sat jaken utapat aptawayañapataqui, uca Elisamasti reyin kellkeriparaquïnwa, cunapachatejj Jehudí jakejj uca rollo puriyani ucapachasti reyin nayrakatapana uqhamaraqui jach'a jilïrinacan nayrakatapanwa leet'äna.

Jeremías 36:6

Uca laycu, jutir ayuno urunjja jumajj saram, ucatsti cuntejj kellkaycsma uca rollo leet'araquim, uqhamata marcpacha, Judá oraken utjiri marcanacan jaquiri jakenacasa, cawquïrinacatejj aca marcaru jutapqui ucanacajj Tatitun arunacapa ist'apjjañapataqui;