2 Reyes 21:16 - Qullan Arunaca

¹⁶ Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

Aymar Bibliia 1986

¹⁶ Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

Qullan Arunaka DC

¹⁶ Judá markar juchanak lurayatapatsa, Tatitun nayraqatapan jan wali luratanakapatsa, Manasesax Jerusalén markan jan juchan walja jaqinakaruw jiwarayäna, uka wilampiw markar mä thiyata mä thiykam phuqhantäna.

2 Reyes 21:16 Jak'a apnaqawi uñst'ayäwi

2 Reyes 21:11

“Manasés reyin jan wali k'añu luräwinacapata, ñankha luräwinacapajj juc'amp jilätapata, jupat sipana nayra jacapcäna uca amorreonacata sipana juc'ampi, uqhamarac Judá marcarusa yakha diosanacapampi jucha lurayatapatjja:

2 Reyes 21:15

Jupanacan luratanacapasti nayrakatajjanjja jan walinacätap laycu; ucatsti colerayapjjetuwa cunürutejj nayra awquinacapajj Egiptot mistunipcäna ucürut jichhacama” sasa.

2 Reyes 21:2

Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

2 Reyes 21:7

Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

2 Reyes 3:3

Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

2 Crónicas 33:9

Manasés reyejj jan wali thaquiruwa maysaru saranucuyäna Judá orakenquir jakenacaru, uqhamarac Jerusalenanquiri jakenacarusa, Tatitojj israelitanacan nayrakatapana tucjcäna uca marcanacana luräwinacapatsa juc'ampi jan walinaca lurayasa.

Éxodo 32:21

Ucat Moisesajj, Aaronarojj saraquïnwa: —¿Cunsa aca jakenacajj lurapjjtama? ¿Cunatsa aca jach'a jucha jupanacaru luraytajja? —sasa.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Proverbios 6:17

Jach'a jach'a tucuñanacaru, c'ari parlañanacaru, jan juchani jake jiwayañanacaru,

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 2:34

Isimajj k'ala k'añuchjatawa, pobrenacana, uqhamaraqui jan juchaninacan wilapampi, cawquïri jakenacarutejj jan cuna juchan jicjjatcta ucanacan wilapampi k'añuchjataw isimajja.

Jeremías 32:31

Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,

Jeremías 7:6

janiraqui yakha marcat jutirinacarus sinti irnakayapjjätati, ni wajchanacarusa, ni ijmanacarusa, ni jan juchani jakenacarusa aca chekanjja jiwayapjjätati, ni yakha diosanacarusa yupaychapjjaraquïtati, ucanacampisti jumanacpachaquiw aynacht'apjjasmajja.

Ezequiel 22:2

“Jumasti chacha, jake jiwayiri marcataquiw jichhajj arsüta. Cuna ajjtascañ luräwinactejj lurapqui take ucanacatwa juchañchäta.

Ezequiel 22:4

Jake jiwayatanacamampisti juc'ampiwa juchañchjastajja, cuna c'ari diosanactejj lurascta ucanacampisti k'añuchasiractawa; horasaman puriñapsti niya jac'achasiyaniractawa, urunacaman puriniñapsa jac'achayaniractawa. Uqhamapï jichhajj nayajj yakha marcanacampi jisc'achjayämajja, take yakha marcanacampiw larusiyaraquïma.

Ezequiel 23:45

Ucampisa asqui jakenacajj uca warminacataquiw arsuni, cunjämarutejj aca k'añu lurañanacana, uqhamaraqui jake jiwayañanacana sarnakatapat catokañanacapajj waquisqui uqhamaru. Jupanacasti yakha chachanacampi sarnaker warminacäpjjewa, amparanacapasa wilampi k'añuchjataraqui” sasa.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Números 35:33

“Jan cuna jake jiwayañampis k'añuchapjjamti, cawquïri marcantejj jacapcta ucarojja, jake jiwayañajj marcar k'añuchatap laycu, ucatsti janiw cunampi cuttsuyasiñas mä jake jiwayatatjja utjquiti, jan ucasti jiwayirejj jiwañapapuniwa.

Mateo 27:6

Sacerdotenacan jilïrinacapasti uca kollkjja aptapjjaraquïnwa, ucatwa aqham sas sapjjäna: —Janiw uca kollkjja ofrendanacamp chica imcsnati, wilampi ch'ajjch'sutätap laycu —sasa.

Lucas 13:34

“¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Hebreos 11:37

Kalamp c'upjata jiwayatäpjjaraquïnwa, payar qhuchjata cunayman yant'ata, espadamp jiwayata. Jupanacasti ovejanacan cabritonacan lip'ichinacapampi isthapitaquiw take chekan sarnakapjjäna, llact'ata, uqhamarac chhojjriñchjata, jan cunaniraqui.