2 Reyes 21:12 - Qullan Arunaca

¹² Naya, Israelan Tatit Diosapajj arstwa: Apayanïwa Jerusalenaru, Judá orakerusa mä jan walt'aña, qhititejj uc ist'cani ucan jinchunacapajja waliw usuni.

Aymar Bibliia 1986

¹² Naya, Israelan Tatit Diosapajj arstwa: Apayanïwa Jerusalenaru, Judá orakerusa mä jan walt'aña, qhititejj uc ist'cani ucan jinchunacapajja waliw usuni.

Qullan Arunaka DC

¹² naya, Israelan Tatit Diosapaw arsta: Jerusalenampiru, Judá uraqimpirux, mä jan walt'añ apayanï, khititix uk ist'kani ukan jinchunakapas usuniwa.

2 Reyes 21:12 Jak'a apnaqawi uñst'ayäwi

2 Reyes 22:16

Naya Tatitusa sistwa: ‘Mä jan walt'añwa aca chekarusa, jakenacapjjarusa apayanëjja, cunjämtï Judá marcanquir reyejj leet'qui uca libron cuntï yatiyqui uqhamaru.

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Jeremías 19:3

Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Ezequiel 7:5

“Naya Tatituw arsta: Amuyasim, tucuyan puriniñapajj jac'ancjjewa, jan walt'añanacasti may mayaraquiw jutani, juman tucusiñamasti niyaw jac'ancjjaraqui.

Daniel (hebreo) 9:12

Jumasti, nanacjjaru aca jach'a jan walt'äwi apayanisajja, cuna ajjsarañanactejj nanacaru churapquista ucjja phoktawa, uqhamaraqui qhitinacatejj marca apnakapqui ucanacampisa; aca orakensti janipuniw utjcänti mä mutuyäwejja cawquïri mutuyäwtejj jumajj nanacjjaru apayanipquista uqhamajja.

Amós 3:2

“Take aca orakenquir marcanac taypitjja jumanac saparuquiw ajllisipjjsmajja. Ucatwa take jan wali ñankhanac luratanacamatjja jaqhuta mayipjjämajja” sasa.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

1 Samuel 3:11

Tatitusti saraquïnwa: —Jichhajj nayajj Israel marcanwa mä luräwi luraraquï, qhitinacatejj ucanac ist'apjjani ucanacarusti jinchunacapas usuraquiniwa.