2 Reyes 2:23 - Qullan Arunaca

²³ Ucatsti Eliseojj ucqhatjja Betelaruw sarjjäna, cunapachatï thaquinjama maqhatascäna ucqhajja, mä tama waynanacawa marcata mistunisina jupat sawcasiña kalltapjjäna. Jupanacasti arnakapjjänwa: “¡Maqhatanim p'ek k'ara! ¡Maqhatanim p'ek k'ara!” sasa.

Aymar Bibliia 1986

²³ Ucatsti Eliseojj ucqhatjja Betelaruw sarjjäna, cunapachatï thaquinjama maqhatascäna ucqhajja, mä tama waynanacawa marcata mistunisina jupat sawcasiña kalltapjjäna. Jupanacasti arnakapjjänwa: “¡Maqhatanim p'ek k'ara! ¡Maqhatanim p'ek k'ara!” sasa.

Qullan Arunaka DC

²³ Uka qhipatsti Eliseox uka chiqat Betel markaruw sarxäna. Thakhinjam makhataskän ukkhasti, mä tama waynanakaw markat mistunisin jupat sawkasiñ qalltapxäna. Jach'at Eliseorux arnaqapxarakïna: “¡P'iqi q'ara, makhatanim! ¡P'iqi q'ara, makhatanim!” —sasa.

2 Reyes 2:23 Jak'a apnaqawi uñst'ayäwi

Génesis 21:9

Ucampisa Sara warmejj uñjaraquïnwa, Egiptonquir Agar warmin Ismael wawapajj Isaacat larusisquiri. Uca Ismaelasti Abrahaman wawaparaquïnwa.

2 Reyes 2:11

Jupanacajj parlasisa sarasipcäna ucqhasti, acatjamatwa mä nina naqhasquiri carrojj uñstanïna nina caballonacani, ucatsti jaljtayänwa, Eliasasti alajjpacharuw maqhatjjäna mä thaya tutucanjama.

2 Reyes 2:2

Ucatsti Eliasajj Eliseorojj sänwa: —Jumajj aca chekaru kheparam, Tatitojj Betelaruw qhititu —sasa. Ucatsti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj sapaqui jumarojj jaytcämati —sasa. Ucatsti panpachaniw Betelcama sarapjjäna.

2 Reyes 2:22

Uca horasatwa umajj k'omachatäjjäna, cunjämtï Eliseojj siscäna uqhama.

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Job 19:18

Jisc'a wawanacas jisc'achapjjetuwa, sartasiscta ucapachasti jan walinacacwa nayjjatjja parlapjje.

Job 30:1

“Ucampis jichhajj nayat sullca waynanacas, larusipjjetuwa nayasti uca waynanacan awquinacaparojj janiw ovejanacajja uñjiri anunacampi chicas uñjquirïscäyätti.

Salmos 31:17

Tatay, jumaruw art'asinsma, janiquiy p'enka tucuñar nuct'istati; ñankha lurir jakenacar p'enk tucuyam, ch'usa mankhapachar mantapjjañapatac aynacht'ayam.

Salmos 31:18

C'arisir lajjranacajj amutur tucupjjpan, asqui jakenacar chuym usuyapjjatapata, jach'achasiñampi, jisc'achasiñamp uñjapjjatapata.

Salmos 35:15

Nayar lanctasir uñjasasti cusisipjjewa, janis uñt'atäquirist uqham uñjapjjetu, jan karjasisaw nuwjapjjetu.

Proverbios 20:11

Mä waynan cheka sarnakatapajja, luratanacapatwa uñt'asi.

Proverbios 22:15

Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.

Proverbios 22:6

Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.

Eclesiastés 11:10

Chuymaman llaquisiñanacapjja apanucum, uqhamarac jan walt'añanacsa, waynanacana suma urunacapasa inamayaquïtapa laycu.

Isaías 1:4

“¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Jeremías 20:7

Tata, jumaw nayarojj pantjasiyistajja, nayasti pantjasiractwa; jumajj nayat sipansa juc'ampi ch'amanïyätawa, ucat nayarojj atipjaraquista. Nayatjja cunapachas larusisipcaquituwa; takeniw nayatjja larusipjjaraquitu.

Jeremías 20:8

Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Oseas 10:15

Betel marcan utjasir jakenaca, uca pachparaquiw jumanacampejj jichhajj lurasini, uca jach'a ñankhanac lurapjjatam laycu. ¡Israelan reyipasti, khantatirojj jiwataraquïniwa!”

Oseas 10:5

Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Levítico 13:40

“Mä jakerutejj p'ekepajj k'arartchi, uqhamarac ñic'utapas willirtjjaracchi, ucat uca jakejj p'eke k'ara uñjasjjaracchi, uca jakesti k'omäsquiwa.

Amós 3:14

Cunürutejj nayajj Israel marcaru juchanacapat jaqhuta maycä ucqhajja, Betel marcan altaranacapsa t'unthapïwa; altar esquinan wajjranacapsa jawk'akatatjja orakeruw willirtaraquini.

Amós 4:4

“Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Amós 7:13

uqhamasti, jan juc'amp Betel marcanjja parlamti, acasti reyin kollan utapawa, uqhamarac marcpachan jach'a temploparaquiwa.

Gálatas 4:29

Cunjämatejj qhä tiemponjja janchin munañapat nascäna uca wawajj Ajayun munañapat nascäna uca wawar uñisis arcnakäna, uca pachparaquiw jichhajj jiwasanacampejj lurasisqui.

Hebreos 11:36

Yakhepanacajj walja jisc'achäwinaca, mutuñanacarac t'akhesipjjäna, juc'ampis carcelanacan cadenanacamp chinuntataraquiw t'akhesipjjäna.