2 Reyes 2:19 - Qullan Arunaca

¹⁹ Marcanquir jakenacasti Eliseorojj sapjjänwa: —Uñtam, aca marcajja wali suma chekaru sayt'ayatawa, cunjämtï juma pachpajj utjtajja uqhama, ucampis umapajj janiw walïquiti, uqhamarac orakes jan achuriraqui.

Aymar Bibliia 1986

¹⁹ Marcanquir jakenacasti Eliseorojj sapjjänwa: —Uñtam, aca marcajja wali suma chekaru sayt'ayatawa, cunjämtï juma pachpajj utjtajja uqhama, ucampis umapajj janiw walïquiti, uqhamarac orakes jan achuriraqui.

Qullan Arunaka DC

¹⁹ Markankir jaqinakasti Eliseorux sapxänwa: —Eliseo, uñtam aka markax wali suma chiqawjankiwa, ukampis umapax janiw walïkiti, uraqisti jan achur uraqiwa —sasa.

2 Reyes 2:19 Jak'a apnaqawi uñst'ayäwi

1 Reyes 16:34

Acab reyin urunacapanjja, Betelanquir Hiel chachajj Jericó sat marcwa wastat sayt'ayäna. Cimientonaca uchañanjja Abiram sat jilïr wawapaw jiwäna, ucatsti puncunac uchcäna ucqhasti Segub sat sullquïr wawaparaquiw jiwäna, ucasti phokhasiscänwa cunjämtï Tatitojj siscäna Nun sat chachan Josué yokap toke.

1 Reyes 18:13

¿Janit jumarusti yatiyapctamsti cuntï nayajj lurcta, cunapachatï Jezabel reinajj Tatitun profetanacaparu jiwaraycäna ucqhajja? Nayajj jupanacatjja patacaniruwa imantta, ucatsti payaru jaljasina pheska tuncacama pä puturuwa imantta, ucatjja mank'a churaracta kawkhacamatï waquisqui ucqhacama.

1 Reyes 18:7

Thaquinsti Eliasaw mistunïna Abdías chachar jicjjatiri, jupasti Eliasar uñt'asinsti jupan nayrakataparuwa alt'asïna, ucatsti jach'atwa säna: —¿Janit jumajj Elías tatäctajja? —sasa.

2 Reyes 2:18

Ucatjja cuttjjapjjänwa Jericó marcaru, cawqharutejj Eliseojj kheparcäna ucqharu, ucatsti Eliseojj jupanacarojj sänwa: —Nayajj sapjjäyäsmawa: ‘Jan sarapjjamti’ —sasa.

2 Reyes 2:20

Ucjjarusti Eliseojj sänwa: —Apanirapipjjeta mä machak keru jayuni cuna —sasa. Ucatsti keru apapjjäna ucqhasti,

Éxodo 15:23

Ucampis Mara sat chekaru purisasti, janiwa ucan utjir umjja umt'añ puedipcänti wali jarütap laycu. Ucatwa uca chekarojj “Jaru” sasa sutichapjjäna.

Éxodo 23:26

Uqhamaraqui marcamanjja janiw mä warmisa sullurejj utjcaniti, ni jan wawachiri warmisa utjcaniti. Nayasti jacañwa yapt'äma urunacamajj phokhasiñapcama.

Éxodo 7:19

Ucat Tatitojj Moisesarojj parlascaquïnwa: —Aarón jilamaru aqham sam: ‘Amparamar thujruma ayjjarusina loktam take egiptonquir umanacjjaru, jawiranquiri, k'awanacanquiri, khothañanacanquiri, take tantat umanaca, uqhamarac lawata, kalata lurat tinajanacan uchat umanacajja wilaru tucuñapataqui’ —sasa.

Oseas 9:14

¡Tata, cunatejj churañamäqui ucjja churam! ¡Jan wawachasiri, uqhamarac jan lecheni warminac churam!

Números 12:11

Moisesarojj saraquïnwa: “Achict'asipjjsmaw Tata, jan mutuyapjjestati pisi amuyumpi jucha lurapjjatanacajjata.

Deuteronomio 28:11

Diosaw munasiñap uñacht'ayätam, walja wawanac jumar churasina, uqhamaraqui jilarquir orakenacamar achuyasa, cunjämtï awquinacamar arupampi arsusina churä siscatayna uqhamarjama.

1 Timoteo 5:17

Iglesia sum apnakqui uca jilïrinacajj suma uñjatäñapawa, qhitinacatejj Diosan arunacap parlapqui, uqhamarac yatichapqui ucanacajj yämasa juc'ampi suma uñjatäñapawa.

Josué 6:17

Aca marcanquirinacasti k'alaw tucjatäni, ucajj Tatitur loktatäcaspas uqhama, ucatsti Rahab warmiruquiw jacañapjja khespiyapjjäta uqhamaraqui take familiaparusa jupajj uñakeri jakenacasaru utapar catokatap laycu.

Josué 6:26

Josué chachasti uca tiemponjja aca arunacwa Israel marcarojj arsuwayäna: “Diosasti maldispan cawquïri jaketï aca Jericó marca wastat sayt'ayani ucarojja; utan cimientopas jilïr yokap patjjaruraqui sayt'ayaspan, puncunacapasa sullca yokap pataruraqui sayt'ayaspan” sasa.