2 Reyes 19:21 - Qullan Arunaca

²¹ Tatitusti Asirianquiri reyip tokjja, aqham arunacwa arsüna: “Sión marcasti, mä tawakjamawa, juma Senaquerib reyit larustam. Jerusalenajj sawcasisaw p'ekep qhiwi, jumajj sarjjta ucqhajja.

Aymar Bibliia 1986

²¹ Tatitusti Asirianquiri reyip tokjja, aqham arunacwa arsüna: “Sión marcasti, mä tawakjamawa, juma Senaquerib reyit larustam. Jerusalenajj sawcasisaw p'ekep qhiwi, jumajj sarjjta ucqhajja.

Qullan Arunaka DC

²¹ Tatitux Asiriankir reyitakix aka arunak säna: “Sión markax mä tawaqjamaw juma Senaquerib reyit larustam. Jerusalenax jumar jaltir uñjasax, sawkasisaw p'iqip khiwi.

2 Reyes 19:21 Jak'a apnaqawi uñst'ayäwi

Job 16:4

Jumanacatejj nayjamäpjjaraquismajja, nayajj jumanacjamaw parlaraquirista; p'eksa ucsaru acsaruw qhiwirista, walja arunacwa sapjjaraquirisma,

Salmos 109:25

Jaken larusiñaquiw sarnakta, nayar uñjasajj p'eke qhiwisipjje.

Salmos 137:8

¡Jumasti Babilonia marca, t'unjataw uñjasïta! ¡Qhitic nanacar jan walinac luratamat apscätamjja!

Salmos 44:14

Diosar jan uñt'irinacampiw larusiyapjjesta, marcanacasti nanac uñjasajj p'ekep qhiwisipjje.

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Isaías 1:8

Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Isaías 23:10

Tarsis marca, jichhajj yapuchañar uscusim, barconac lurañamajj tucusjjewa.

Isaías 23:12

Sidonarusti saraquiwa: “Uca cusisiñanacam apanucum, p'enkachjat tawako. Chiprecam sarañ amtcäta ucasa, janiraquiquiw ucansa samarañ jicjjatcätati.”

Isaías 47:1

“Sarakanim, janïr chachan tawako Babilonia, lak'jjaru kont'asim; Caldea tawako, tronomat sarakanim, ucatsti oraker kont'asim, janiw jichhajj mayampsa ‘Suma wawa tawako’ sasajj sapcjjätamti.

Isaías 47:5

“Amuc kont'asim, Caldea tawako, ch'amacar imantasim, janiw jichhajj mayampsa ‘Marcanacan reinapa’ sasajj siscjjapjjätamti.

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Jeremías 46:11

“¡Egipto marca, Galaad oraker saram kolla thakeri! ¡Ucampisa kawkha kollampisay kollasiscam, janiw ucanacajj cunataquis asquïcaniti, kollasti janiw jumataquejj utjcjjeti!

Lamentaciones 1:15

Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Lamentaciones 2:15

Thaqui sariri jakenacasti uqham jumar uñjasajja, larusisaw amparanacapsa t'ajjllirasipjjaraqui; qhuyusipjjewa, p'eksa qhiwipjjaraqui, sapjjaraquiwa: “¿Acati cawquïri marcattejj wali parlapcäna, uqhamaraqui wali suma marcaw sapcäna ucasti?” sasa.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Amós 5:2

Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Miqueas 4:8

Jumasti Jerusalén, Sionan torrepa, uqhamarac sayt'asiñapa, jumaw nayan reinojjan jach'a marcapa tucüta, nayrajj cunjäma jach'a marcäcäyätatejj uqhama.”

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Mateo 27:39

Jupan jac'apa pasapcän ucanacasti wal tokepjjäna p'ekenacapsa qhiwisa,