2 Reyes 18:8 - Qullan Arunaca

⁸ Ucampisa filisteo jakenacarojja atipjänwa Gaza marcacama, uqhamarac korpanacapcamaraqui, uñch'uquiñataqui torrenacajj luratäqui ucqhata, nuwasiñataqui lurata marcanaccama.

Aymar Bibliia 1986

⁸ Ucampisa filisteo jakenacarojja atipjänwa Gaza marcacama, uqhamarac korpanacapcamaraqui, uñch'uquiñataqui torrenacajj luratäqui ucqhata, nuwasiñataqui lurata marcanaccama.

Qullan Arunaka DC

⁸ Ukhamarus filisteo jaqinakarux Gaza markakama, qurpanakapkam atipjarakïna, uñch'ukiñataki pukaranakax luratäki ukkhata, suma uyuchrantat markanakkama.

2 Reyes 18:8 Jak'a apnaqawi uñst'ayäwi

1 Reyes 5:4

Ucampis jichhajja Tatitu Diosajjajj sumancañwa take chekana churistu, ucatsti janiw utjcjjestuti uñisirinacasa, ni jan walt'añanacasa.

2 Reyes 17:9

Ucampisa israelit jakenacajj jan wali arunacwa arsupjjäna Tatit Diosapataqui, uqhamarus alto chekan yakha diosanacan santuarionacapwa take marcanacapan lurapjjäna, uqhamarac uñch'uquiña torrenacansa, nuwasiñatac lurat marcanacansa.

1 Crónicas 4:41

ucampis Judá marcanquiri Ezequías reyin urunacapanjja, aytctansa uca jakenacajja jutasinjja k'alwa tucjapjjäna wiñayataqui, campamentopamppacha, uqhamarac ucan utanaca jicjjatapcäna ucanacsa, ucatsti jupanac lantiw uca chekana jacañataqui kheparjjapjjäna, ucan uywanacapataqui pastonacajja utjatap laycu.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

2 Crónicas 28:18

Yakha toketjja filisteonacaraquiw pampanquiri marcanacatjja aparapjjäna, uqhamarac Judá orakenquir Néguev marcatsa. Jupanacasti catuntasipjjänwa Bet-semes chekatjja Ajalón, Gederot ucanaca, Soco chekatjja Timna, Gimzo ucanacaraqui jisc'a marcanacapamppacha, ucatjja uca marcanacanaracwa utjnoktapjjäna.

Isaías 14:29

Jan cusiscamti filisteo marca, cuna varampitejj mutuyapcäyätam uca varan p'aquisitapatjja, cawqhattejj mä asiru mistcän ucqhatjja mä catariw mistunini, ucat juc'ampisa mä thoktir dragonaw mistunini.

Isaías 5:2

Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Deuteronomio 2:23

Uqhamaraquiwa heveos sat marcarojj pasaraquïna, jupanacasti jacapjjänwa jisc'a marcanacana Gaza orak jac'ana, ucatsti Creta oraket jutir filisteo jakenacaw jupanacarojj t'unjäna orakenacap catuntasisina, ucan jacasaraqui.)

Josué 15:47

Uqhamaraqui Asdod marcajj jach'a marcanacampi jisc'a marcanacamp cuna. Ucatsti Gaza marcajj jach'a marcanacampi jisc'a marcanacamp cuna, Egipton jisc'a jawirar puriñcama, jach'a Mediterráneo sat kotacamaraqui.