2 Reyes 18:7 - Qullan Arunaca

⁷ Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

Aymar Bibliia 1986

⁷ Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

Qullan Arunaka DC

⁷ Ukat Tatitux jupar yanapäna, taqi kuntix lurañataki amtkäna ukanakan askir mistuyarakïna. Mä urusti, Ezequiasax Asiriankir reyitakiw sayt'asxäna, janiw jupar ist'añ munkxänti.

2 Reyes 18:7 Jak'a apnaqawi uñst'ayäwi

Génesis 21:22

Uca urunacansti Abimelec reyejj Abrahamampi parliriw saräna. Ejercitopan jilïripa Ficol chachasti jupa chicaw sararaquïna. Abimelec chachasti Abrahamarojj sänwa: —Nanacajj uñjapjjtwa, Diosajj take luräwiman jumar yanapatapa.

2 Samuel 8:14

Ucatsti Davidajj janc'aquiw take Edom orakpachanjja guardianaca uscuraquïna. Edomita jakenacasti Davidan apnakataw uñjasipjjaraquïna, Tatituraquiw Davidarojj atipjaña churaraquitaynajja, cawquirutejj sarcäna ucana.

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

2 Reyes 16:7

Ucatsti Acaz reyejj yatiyirinacwa qhitäna Asirianquir Tiglat-pileser sat reyiru, aqham sasa: “Aca sirvirimajj, juman wawamjamawa. Ucatsti jutamaya khespiyiri Sirianquir reyipata, uqhamarac Israelanquir reyipatsa, jupanacajj nayarojj nuwiriw jutasipquitu” sasa.

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

2 Reyes 18:14

Ucatsti Judá marcanquiri Ezequías reyejj mä yatiyirwa qhitäna Asirianquiri reyin ucaru, jupasti Laquis chekancascänwa, aqham sasa: “Nayaw juchanïtjja. Jichhasti marcajjatjja sarjjam ucatsti nayajj impuestjja pagämawa, kawkhtejj mayquitäta ucqha” sasa. Ucatsti Asirianquiri reyejj Judá marcanquir Ezequías reyirojj impuestonacwa mayïna llätunca waranka llätunc patacan kilo kollkenaca, uqhamarac llätunca pataca llätunc tuncani kilo korinacaraqui.

2 Reyes 18:20

¿Jumajj amuytati suma jiwa arunacäcaspas uqhama, suma yatekata, wali ch'amampi nuwasiñäqui ucjja? ¿Qhitirupunis alcatasta nayataqui sayt'asiñamataquejja?

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 31:21

Take cuntï jupajj amtcäna Diosan templopana sirviñataqui, jan ucajj leyinacatsa, mandamientonacatsa luränwa Diosar take chuymampi thaktañataqui, ucatwa jupan luräwipajja asquir saräna.

2 Crónicas 32:30

Ezequiasaraquiwa uman mistuapjja llupantayaraquïna, Gihón chekanquir uma jalsüqui uca patäjjata, ucatsti jupaw jist'jayaraquïna aynach tokeru, Davidan Marcapata inti jalanta tokeru. Uqhamawa Ezequiasana cuntï amtcäna ucanacajja asquiru sararapïna.

Salmos 1:3

Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 60:12

Diosan yanapapampejj muspharcañanac lurañäni. ¡Jupaw timanacasarojj takjjatani!

Isaías 33:6

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Isaías 36:5

¿Amuytati suma arunacajj, cuntejj soldadonacajj lurqui nuwascaraqui ucampis mayaquïtapa? ¿Qhitirus alcatasta nayataqui sayt'asiñamataquejja?

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Jueces 1:19

Diosasti judänquirinacampi chicäscänwa, ucatwa lomanacan jaquirinacarojj atipjasin catuntasipjjäna orakenacapjja. Ucampisa uca loma cayu vallenacan jaquirinacarusti janiw atipjas alisnucuñatac ch'amanïcänti, jupanacajj hierrota lurata carronacanïpjjänwa uca laycu.

1 Samuel 18:14

Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.