2 Reyes 18:11 - Qullan Arunaca

¹¹ Asirianquiri reyisti israelitanacarojj Asiria marcaruw preso apäna, ucatsti uchänwa Halah chekaru, uqhamaraquiw uchäna Habor orakeru, Gozán jawirjjaru, medos sat marcanacaruraqui.

Aymar Bibliia 1986

¹¹ Asirianquiri reyisti israelitanacarojj Asiria marcaruw preso apäna, ucatsti uchänwa Halah chekaru, uqhamaraquiw uchäna Habor orakeru, Gozán jawirjjaru, medos sat marcanacaruraqui.

Qullan Arunaka DC

¹¹ Asiriankir Salmanasar reyisti, israelitanakarux Asiria markaruw katuntat apäna, ukatsti jupanakarux Halah chiqaruw utjnuqtayäna, Harbor jawir thiyana, Gozán uraqina, medonakan markanakapana.

2 Reyes 18:11 Jak'a apnaqawi uñst'ayäwi

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

2 Reyes 19:11

Jumajj yattawa cunjämtï Asirianquiri reyinacajj lurapqui cawquïri marcanacarutejj tucjañ munapqui ucjja. ¿Ucatti jumajj khespiyasismajja?

2 Reyes 21:8

Janiw israelitanacar wastat jakonuccäti cawquïr oraktejj nayra awquinacaparu nayajj churcta ucatjja, jupanacaqui sum phokhapjjpan, uqhamarac lurapjjaracpan take cuntï nayajj ewjjapcsma ucana, uqhamarac Moisés sirvirejjasa take yatichäwinaca churawayapctam ucanacsa ucajja” sasa.

2 Reyes 23:27

Ucatwa Tatitojj yatiyäna jupan nayrakatapata apakaña Judá marcaru, cunjämtï Israel marcaru apakcatayna uqhama, apanucuñwa munäna ajllisit Jerusalén marcapa, uqhamarac cawquïr templontï sutipa ucancañapa muncäna ucsa.

1 Crónicas 5:26

Ucataracwa Israelan Diosapajja ch'amañchäna Asirianquir Pul sat reyiru, uqhamarac Asirianquiri Tiglat-pileser sat reyirusa, jupawa apanucüna rubenitas, gaditas ucanacarojja, uqhamarac Manasés chicat triburusa. Ucatsti apänwa Halah, Habor, Hara chekanacaru, uqhamarac Gozán uca jawirarusa, jichhacamas ucancasipquiwa.

Nehemías 9:30

Walja maranacawa jupanacarojj pacienciampi uñch'uctajja, ucatsti ajayuma tokes ewjjt'aractawa, uqhamarac profetanacam tokesa; ucampis janiw ist'apcäyätamti, ucatwa catuyaractajja aca orakenquir jakenacan apnakapjjañapataqui.

Isaías 10:11

Waliquiw jichhajj cuntejj Samariampi, yakha diosanacapampi lurcta ucjja, ¿janit uqham lurcaraquiriststi Jerusalenaru diosanacapampirusti?’ ” sasa.

Isaías 10:5

“¡Asiria marcanquir rey! Jupajj nayataquejj mä lawäcaspas uqhamawa, ucampiraquiw colerasiñajjanjja marcajjarojj mutuyäjja, uca varampiraquiw colerasiñajjanjja nayajj mutuyaraquëjja,

Isaías 36:2

Laquis sisqui uca chekatpachwa jilïri comandanteparojj Ezequías reyin ucar qhitanïna, jupasti Jerusalenancänwa. Asirionacan ejercitopajj wali ch'amanïnwa, ucatsti amstancquis uca estanque jac'aruw purintapjjäna, Pañonac T'ajjsurin thaquipäquis uca chekaru.

Isaías 37:12

¿Cuntejj nayra awquinacajjajja t'unjcän uca marcanacarusti diosanacapasti khespiyiti? ¿Guzán, Harán, Resef, uqhamarac Bet-edén ucan jakenacapasa qhititejj Telasar chekan jaccäna ucas khespiti?

Isaías 7:8

Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Amós 5:6

Tatitur thakapjjam, ucatsti jacasipcätawa; jan ucasti jupajj ninjamaw aktani Israel marcjjarojja, janiraquiw uc jiwarayirejj qhitis Betel marcanjj utjcaniti.

Hechos 7:43

Janiwa, ucatsipan jumanacajj Moloc sat diosan templopjjay apapjjstajja Renfán diosan warawarapsa, cawquïr diosanactejj jumanac quicpa lursusipcta yupaychañataqui ucanaca. Ucatpï jichhajj nayajj jupanacarojj marcapat apsusina, Babiloniat juc'amp qhurir ananucöjja’ sasa.