2 Reyes 17:8 - Qullan Arunaca

⁸ Uqhamaraquiw lurapjjaraquïna cawquïr marcanacarutejj Tatitojj jakonuccäna jupanacan nayrakatapata ucanacan luräwinacapa, cunjämarutejj Israel reyinacan utt'ayatäcäna uqhamaruraquiw sarnakapjjaraquïna.

Aymar Bibliia 1986

⁸ Uqhamaraquiw lurapjjaraquïna cawquïr marcanacarutejj Tatitojj jakonuccäna jupanacan nayrakatapata ucanacan luräwinacapa, cunjämarutejj Israel reyinacan utt'ayatäcäna uqhamaruraquiw sarnakapjjaraquïna.

Qullan Arunaka DC

⁸ ukatsti kawkïr markanakarutix Tatitux jupanakan nayraqatapat jaqunukkatayna ukanakan luräwinakap arkapxäna, ukhamaraki kuna saranaktix Israel reyinakax utt'ayapkatayna uka saranak arkapxäna.

2 Reyes 17:8 Jak'a apnaqawi uñst'ayäwi

1 Reyes 12:28

Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.

1 Reyes 21:26

Mä ajjtaña luräwi luräna yakha diosanacar yupaychasina, cunjämatejj take amorreonacajj lurapcäna uqhama, Tatitusti uca jakenacaruraquiw jakonucüna israelitanacana nayrakatapata).

2 Reyes 16:10

Cunapachatï Acaz reyejj Damasco marcar sarcäna Asirianquir Tiglat-pileser reyipampi jiquisiri ucqhajja, jupajj uñjänwa ucanquir altara. Ucatsti Urías sacerdoterojja mä suma phokhata plano apayäna, altar lurañapataqui.

2 Reyes 16:3

jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.

2 Reyes 17:19

Ucampis Judá tribusa janiraquiquiwa Tatit Diosapana camachi arunacapjja phokcaraquiquïnti, jan ucasti israelitanacajj uñstayapcäna uca luräwinacaparuwa arcapjjaraquiquïna.

2 Reyes 17:40

Ucampis jupanacajj janiw ist'añ munapcänti, jan ucasti lurasipcaquïnwa nayra luräwinacapjama.

2 Reyes 21:2

Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

Salmos 106:35

Diosar jan uñt'ir jakenacampiw chicachasipjjäna, luräwinacap yatekasipjjäna:

Éxodo 23:24

Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Jeremías 10:2

Tatitojj siwa: “Jan yakha marcanacan luräwinacapa arcapjjamti, janiraqui alajjpachan unañchäwinacatsa sustjasipjjamti, cunjämatejj uca marcanacajj sustjasipjje uqhama.

Ezequiel 5:6

Ucampisa jupajj nayan leyinacajja uqhamaraqui arunacajjataquiw sayt'i, ucatsti cawquïri marcanacatejj juparu muyuntatäqui uca marcanacat sipansa juc'ampi jan waliw tucuraqui, jan leyinacajjaru uqhamaraqui arunacajjaru ist'apjjatapata.”

Oseas 5:11

Efrainajj t'akhesiyatawa, jupancqui ucanacas k'ala aparataraquiwa, c'ari diosanacar sirviña wali munatap laycu.

Levítico 18:3

“Jan Egipto marcan sarnakäwinacaparjama jacapjjamti, cawquïri marcantejj jumanacajj jacapcäyäta. Janiraqui Canaán oraken sarnakäwinacaparjamasa sarnakapjjamti, cawquïri orakerutejj nayajj jacapjjañanacamataqui irpapcsma uca orakena, janiraqui uca marcan sarnakäwinacaparjama jacapjjamti.

Levítico 26:1

“Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Deuteronomio 18:9

“Cunapachatejj jumanacajj Tatitu Diosaman churata oraker mantapjjäta ucqhajj jan jumanacajj uca k'añu luräwi sarnakäwinacapjja yaticasipjjamti.