2 Reyes 17:6 - Qullan Arunaca

⁶ Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

Aymar Bibliia 1986

⁶ Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

Qullan Arunaka DC

⁶ Qhiparusti, Oseas reyix llätunka mara marka apnaqkän ukapachaw, Asiriankir reyix Samaria marka katuntasïna, israelit jaqinakarusti Asiria markaruw katuntat apäna, ukatsti jupanakarux Halah sat chiqaruw utjnuqtayäna, Habor jawir chiqankir Gozán uraqina, ukhamaraki medonakan markanakapana.

2 Reyes 17:6 Jak'a apnaqawi uñst'ayäwi

Génesis 10:2

Jafetan wawanacapajj acanacänwa: Gomer, Magog, Madai, Javán, Tubal, Mesec, uqhamaraqui Tiras ucanaca.

1 Reyes 8:46

“Juma nayrakatantï jucha lurapjjaraquini ucajja, janiw qhitis jan jucha lurirejj utjquiti uca laycu, ucatsti jumajj jupanacampi colerasitam laycojja uñisirinacaparu catuyäta preso catuntayasina jaya marcar apatäñapataqui jayarusa jac'arusa ucqhajja,

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

2 Reyes 18:34

¿Cawquincapjjesa Hamat, uqhamarac Arfad ucanacanquir diosanacapasti? ¿Cawquincapjjesa Sefarvaim, Hena, uqhamarac Iva ucanacanquir diosanacapasti? ¿Samaria marcarusti khespiyiti jupan ch'amapatsti?

2 Reyes 19:12

¿Uca marcanacan diosanacapasti khespiyapjjänti nayra awquinacajjajj tucjapcäna ucanacatsti: Gozán, Harán, Resef uca marcanacarusti, uqhamarac Telasar ucan jaquiri Bet-edén jakenacarusa? Janiwa.

2 Reyes 21:13

Jerusalén marcarojj tupt'äwa Samaria marcaru tupt'ta, uqhamarac Acab reyin familiaparus tupt'ta uca pachpa tupuñampi; k'omachäwa, cunjämatï mä platoru k'omachasina c'umpt'atajja uqhama.

1 Crónicas 5:22

Walja uñisirinacaraquiw jiwarapjjaraquïna, uca guerrajja Dios toketätap laycu. Jupanacajj uca chekanwa kheparjjapjjäna jacañataqui, jaya marcaru apanucuta uñjasipcäna ucapachcama.

1 Crónicas 5:26

Ucataracwa Israelan Diosapajja ch'amañchäna Asirianquir Pul sat reyiru, uqhamarac Asirianquiri Tiglat-pileser sat reyirusa, jupawa apanucüna rubenitas, gaditas ucanacarojja, uqhamarac Manasés chicat triburusa. Ucatsti apänwa Halah, Habor, Hara chekanacaru, uqhamarac Gozán uca jawirarusa, jichhacamas ucancasipquiwa.

Esdras 6:2

Ucatsti Media sat provinciana Ecbatana palacionjja mä libro jicjjatapjjäna, ucansti amtañataqui aqham arunacaw ucancäna:

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Isaías 10:9

Nayataquejj Calno, uqhamaraqui Carquemis marcanacajj mayaquiwa, Hamat marcas Arfad marcampejj mayaquiwa, Samaria marcas Damasco marcampejj mayaquiraquiwa.

Isaías 13:17

Jupanacataquisti Medo jakenacwa sartayaraquëjja, uca jakenacasti janiw kollketjja llaquisipquiti, janiraquiw jupanacataquejj koris jila alanïcaraquiti.

Isaías 17:4

“Uca urunjja Jacobon jach'achasiñap Samaria marcajj jan ch'amaniw uñjasini, kamir cancañapas chhaktjjaraquiniwa.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Isaías 36:17

Ucatsti mä marcaruw apapjjätam, uca marcasti jumanacan marcamjamaraquiquiwa, trigos uvas achuraquiwa, ucan t'ant'a lurapjjäta vino apsupjjaraquïta.

Isaías 36:19

¿Cawquincaraqui Hamat, uqhamarac Arfad sisqui ucanacan diosanacapasti? ¿Cawquincaraqui Sefarvaim sisqui ucan diosanacapasti? ¿Samariarusti Asiria reyin ch'amapatsti khespiyapjjeti?

Isaías 37:18

Chekpachansa Dios Tata, Asirianquir reyejj yakha marcanacarojj t'unjiwa,

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Daniel (hebreo) 5:28

PARSIN, ucasti sañ munaraqui: Juman reinomajj jaljtatawa, jichhasti medo, uqhamaraqui persa jakenacaru catuyataraquïniwa’ sasa.

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Oseas 1:9

Tatitojj Oseasarojj sänwa: “Uca yokall wawarojj Lo-ami sas suticham, jumanacajj janiw nayan marcajjäjjapjjtati, janiraquiw nayas jumanacan Diosamäcjjtti uca laycu.”

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Oseas 8:8

¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Levítico 26:38

Jumanacasti marcanac taypinjja t'unjataw uñjasipjjäta; uñisirinacaman marcapaw jumanacarojj k'al t'unjapjjätam;

Amós 5:27

Jumanacarojj Damasco marcats juc'amp jayaruw jakonucupjjäma.” Uqham siwa Take Chamani Tatitu Diosajja. Ucaw sutipajja.

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Deuteronomio 28:36

“Diosan munañapatwa jumasa, reyimasa yakha marcar apatäni, cawqha chektejj ni jumasa ni awquinacamasa uñjapquiti ucaru, uca chekansti yakha diosanacaruw yupaychapjjäta, lawata, kalat lurat diosanacaru.

Deuteronomio 28:64

Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.

Deuteronomio 30:18

nayajj aca pachpa horasanwa sisma, chekpachansa jiwapjjätawa, janiraquiw walja maranacas jacapcätati cawquïri oraktï Jordán jawir maqhatasin catuntapcäta ucanjja.