2 Reyes 17:4 - Qullan Arunaca

⁴ Ucampis Salmanasar reyejj catjänwa Oseas reyin jupataqui jan wali amtatapa, mä kawkha yatiyiri jakenaca Egiptonquir So sat reyin ucar qhitatapa, uqhamarus janiraquiw marpachata impuestonaca pagcaraquitaynati. Ucatsti Salmanasar reyejj sänwa: —Oseas reyiru catuntasina carcelaru uchapjjam —sasa.

Aymar Bibliia 1986

⁴ Ucampis Salmanasar reyejj catjänwa Oseas reyin jupataqui jan wali amtatapa, mä kawkha yatiyiri jakenaca Egiptonquir So sat reyin ucar qhitatapa, uqhamarus janiraquiw marpachata impuestonaca pagcaraquitaynati. Ucatsti Salmanasar reyejj sänwa: —Oseas reyiru catuntasina carcelaru uchapjjam —sasa.

Qullan Arunaka DC

⁴ Ukampis mä urux, Oseas reyix sayt'asïnwa, jupasti mä qawqha jaqinak Lais chiqar khithäna, Egiptonkir reyir mä yatiyäwi apayasa, ukhamarus janiw Salmanasar reyirux, kunjämtix sapa mara qullqi churirïkatayna ukham churkxänti. Kunapachatix Asiriankir reyix ukanak katjkäna ukkhasti, Oseasar katuntayasin carcelaruw uchantayäna;

2 Reyes 17:4 Jak'a apnaqawi uñst'ayäwi

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

2 Reyes 17:5

Ucatjja Salmanasar reyejj Judá orakpacharu mantasinwa Samaria marcar nuwantäna, uqhamsti quimsa maraw jan sayt'asa luräna.

2 Reyes 18:21

Nayajj uñjtwa Egiptor alcatasitama. Uqhamajj waliquiwa, ucampis Egiptojja mä ch'ajj-jjata sokosar uñtataquiwa, ucatsti qhititejj ucar alcatasini ucan amparaparojj ch'aphintasinjja junuranttaniwa. Egipton faraón reyipajja uqhamacwa luri, qhitinacatejj jupar alcatasipqui ucanacarojja.

2 Reyes 24:1

Joacim reyejj apnakascäna ucqhajja, Babilonianquiri Nabucodonosor reyiwa Judá orakeru catuntir mantanïna. Ucatsti Joacim reyejj quimsa marawa jupar jaysäna. Ucatjja janiw jaysañ muncjjänti, jan ucasti jupataquiw sayt'asjjäna.

2 Reyes 24:20

Ucatwa Tatitojj colerasïna Jerusalén marcampi, uqhamarac Judá orakpachampisa; ucatsti jupan nayrakatapatjja jakonucünwa. Ucatjja Sedequías reyejj Babilonianquir rey contrawa tucjjäna.

2 Reyes 25:7

Ucatsti jupan nayrakatapanwa wawanacapar qharinucuyäna. Sedequiasarusti nayranacapwa apsurayäna, cadenanacampi chinuntasaw Babiloniaru preso apjjaruyäna.

2 Crónicas 32:11

Ezequiasatejj sapjjstam: ‘Tatit Diosasaw jupan amparapata khespiyistani’ sasajja, jumanacarojj c'arintasipctamwa, ucatsti jumanacarojj mank'ata, umata jiwarañataquiwa nuct'asipctam.

Oseas 10:4

Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”.

Oseas 12:2

Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 13:10

Jichhasti, ¿cawquincarac reyimasti take marcanacamana jumar khespiyañataquisti? ¿Cawquincarac jilïrinacamasti, qhitinacarutejj reyinacsa maycayäta ucanacasti?

Oseas 8:10

Ucampis kawkha churäwinacsay marcanac taypin churasipcpan, nayaw jichhajj ucanacjja ananucöjja, ucatsti mä urojj janiw reyisa ni cuna casta jilïris utjcjjaniti.

Deuteronomio 28:36

“Diosan munañapatwa jumasa, reyimasa yakha marcar apatäni, cawqha chektejj ni jumasa ni awquinacamasa uñjapquiti ucaru, uca chekansti yakha diosanacaruw yupaychapjjäta, lawata, kalat lurat diosanacaru.