2 Reyes 17:10 - Qullan Arunaca

¹⁰ Uqhamaraquiw sayt'ayapjjaraquïna ajjsarata kalanaca, Asera sat diosan lantinacapa take alto cheka kollunacana, uqhamarac walja laphini kokanacan cayunacaparuraqui.

Aymar Bibliia 1986

¹⁰ Uqhamaraquiw sayt'ayapjjaraquïna ajjsarata kalanaca, Asera sat diosan lantinacapa take alto cheka kollunacana, uqhamarac walja laphini kokanacan cayunacaparuraqui.

Qullan Arunaka DC

¹⁰ Ukatsti qullu patanakana, walja laphini quqanak k'uchun Astarté diosan uñtasitanakapa, axsarata qalanaka sayt'ayapxäna,

2 Reyes 17:10 Jak'a apnaqawi uñst'ayäwi

1 Reyes 14:23

Jupanacasti yakha diosanacataquiwa santuario utanaca lurayapjjäna, ucatsti lurapjjänwa kalanacata, lawanacata diosanaca take alto kollunacana, uqhamarac walja laphinacani kokanacan cayunacaparusa.

2 Reyes 16:4

Ucjjarusti yakha diosanacan santuario utanacanwa sacrificionaca loktäna, uqhamarac inciensonacsa naqhayäna, alto chekanacana, uqhamarac wali laphinacan kokanac c'uchuna.

2 Reyes 17:11

Ucsti jupanacajj lurapjjänwa cunjämatï yakha marcanacajj lurapjjerïqui uqhamaru; Tatitusti ucanacaruraquiw jupanacan nayrakatanacapatjja jakonucutayna. Israel jakenacasti inciensonacwa naqhayapjjäna, ñankha luräwinacwa lurapjjaraquïna, uqhamata Tatitur colerayasina.

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Éxodo 34:13

Jumanacasti allthapipjjätawa altaranacapa kalata dios lurasitanacapsa t'unthapipjjaraquïtawa, uqhamarac kolluna lawanacapsa p'acthapipjjaraquïtawa.

Isaías 2:8

¡Uqhamarus yakha diosanacampi wali phokhantataraquiwa! Jakenacasti jupanacan pachpa amparanacapampi lurat diosanacaruquiw yupaychapjje, luc'ananacapampi luratanacaru.

Isaías 57:5

roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Levítico 26:1

“Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Miqueas 5:14

Ajjsarañ c'ari diosanacamsti jan mayampitaquiw willinucü, marcanacamsti k'alracwa tucjäjja.

Deuteronomio 16:21

“Jan cuna kokanacsa ayrupjjamti yakha diosanacar jach'añchañataqui ni Diosaman altarap jac'arus ayrupjjamti.

Deuteronomio 16:22

Janiraqui jumanacajj cuna kalanacsa perksusipjjamti, ucanacaru yupaychañataqui take ucanac Tatitu Diosaman uñisitap laycu.