2 Reyes 16:5 - Qullan Arunaca

⁵ Qhaya urunacansti Sirianquir Rezín reyimpi, uqhamarac Remalías chachan Peka yokap Israelanquir reyimpejja, Jerusalén marcaruw nuwantañatac sarapjjäna. Acaz reyirusti muyuntapjjänwa, ucampis marcarojj janiw catuntañataqui ch'amanïpcänti.

Aymar Bibliia 1986

⁵ Qhaya urunacansti Sirianquir Rezín reyimpi, uqhamarac Remalías chachan Peka yokap Israelanquir reyimpejja, Jerusalén marcaruw nuwantañatac sarapjjäna. Acaz reyirusti muyuntapjjänwa, ucampis marcarojj janiw catuntañataqui ch'amanïpcänti.

Qullan Arunaka DC

⁵ Khä urunakansti Siriankir Rezín reyimpi, Israelankir Pécah reyimpix, Jerusalén markaruw katuntañatak sarapxäna. Ukampisa, markar muyuntapkchïn ukasa, janiw Ahaz reyir atipjañatak ch'amanïpkänti.

2 Reyes 16:5 Jak'a apnaqawi uñst'ayäwi

1 Reyes 11:36

Yokapataquisti mä tribucwa jaytäjja, David sirvirejjana lamparapajja nayan nayrakatajjana naqhascañapataqui Jerusalenanjja, cawquïr marctejj nayajj ajlliscta sutejjajj ucancañapataqui.

1 Reyes 15:4

Ucampis Davidaru qhuyapayasitap laycojja, Tatitojj lamparapjja naqhayascaquïnwa Jerusalén marcana, yokaparu reyit uchasa uqhamarac Jerusalén marcarus ch'aman tucuyasa.

2 Reyes 15:37

Qhaya urunacansti Tatitojj Judá contrajj qhitanïnwa Rezín sat Sirianquiri reyiru, uqhamarac Remalías chachan Peka yokaparu.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Isaías 8:6

“Niyaquejjay aca jakenacajj Rezín reyiru uqhamaraqui Remaliasan yokaparu ajjsarasajj Siloé chekan suma jalir umarojj jisc'achapjjchejja,

Ezequiel 16:57

Ucampisa janïraw juman ñankha luratamajj khanaru mistcaraquïnti; ucampisa jichhajj Edom orakenquiri marcanacasa uqhamaraqui filisteo marcanacasa, take uta jaq'anacamasa, jan wali arunacampiw jisc'achapjjaractamjja; ¡takeniw jisc'achapjjaractamjja!