2 Reyes 15:12 - Qullan Arunaca

¹² Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

Aymar Bibliia 1986

¹² Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

Qullan Arunaka DC

¹² Ukhamat phuqhasïna kuntix Tatitux Jehú reyir yatiykatayna ukaxa: “Yuqanakama, allchhinakama, allchhinakaman allchhipaw Israel markan reyi qunuñapan qunt'asini” sasa.

2 Reyes 15:12 Jak'a apnaqawi uñst'ayäwi

2 Reyes 10:10

Jumanacajj sum yatipjjam, cuntï Tatitojj arscäna Acab reyin familiapataqui take ucajja phokhasiniwa. Tatit pachparaquiw luräna cuntï arscäna Elías sirvirip toke ucjja” sasa.

2 Reyes 10:30

Tatitusti Jehú reyirojj sänwa: “Jumajja nayan nayrakatajjana asqui luratamata, uqhamarac chekaparu, uñjatamata Acab reyin familiapampi, cunjämtï nayajj muncäyäta uqhamaru, Israelan tronopanjja jumat sarakeri wawanacamaw kont'asipjjani pusïr wawaman wawapcama” sasa.

2 Reyes 13:1

Ocozías chachan Joás yokapajj Judá marcana pä tunca quimsani maranaca apnakcäna ucqhawa Jehú chachan Joacaz yokapajj Israel marcana reyïña kalltäna, ucatsti Samaria marcanjja tunca pakallkoni maranacawa apnakäna.

2 Reyes 13:10

Cunapachatï Judá marcanquiri Joás reyejj quimsa tunca pakallkoni mara apnakcäna ucqhawa Joacaz chachan Joás yokapajj Israelana reyïña kalltäna, ucatsti Samaria marcanjja apnakänwa tunca sojjtani maranaca.

2 Reyes 13:13

Cunapachatï Joás reyejj jiwjjäna ucqhajja, Samaria marcanwa imt'jjapjjäna Israelan reyinacapamp chica. Ucatsti tronorojja Jeroboam chachaw maqhatjjäna.

2 Reyes 14:29

Cunapachatï Jeroboam reyejj jiwjjäna ucqhajja, Israelan reyinacapamp chicaw imt'jjapjjäna. Ucatsti jupa lantejj Zacarías sat yokapaw reyëjjäna.

2 Reyes 15:11

Ucat ucjjar Zacarías reyin sarnakäwipajja kellkatawa Israelan reyinacapan crónicas sat libropana.

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Marcos 13:31

Alajjpachampi acapachampejj tucusiniwa, ucampis arunacajjajj janiw tucuscaniti.

Juan 10:35

Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: ‘diosanac’ sasa, qhitinacatejj arunacap catokqui ucanacaru.

Juan 19:24

Ucatsti soldadonacajj jupanac puraw sapjjäna: —Jan ch'iyjcañäniti, jan ucasti sorteasipjjañäni, qhitirus wact'ani uc yatiñataqui —sasa. Uqhamanwa Kellkatajj phokhasi: “Isejj-jja jupanacpuraw lacjasipjje, isejj-jjarusti suerte jaktapjjaraqui” Uqhamwa soldadonacajj lurapjjäna.

Hechos 1:16

“Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

1 Samuel 3:19

Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.