2 Reyes 15:1 - Qullan Arunaca

¹ Cunapachatï Israel marcanquir Jeroboam reyejj pä tunca pakallkoni mara apnakcäna ucqhawa Amasías chachan Azarías yokapajj reyïña kalltäna Judá orakena.

Aymar Bibliia 1986

¹ Cunapachatï Israel marcanquir Jeroboam reyejj pä tunca pakallkoni mara apnakcäna ucqhawa Amasías chachan Azarías yokapajj reyïña kalltäna Judá orakena.

Qullan Arunaka DC

¹ Israel markankir Jeroboam reyix pä tunka paqallqun mara marka apnaqkän ukkhaw, Amasías chachan Azarías yuqapax Judá uraqin marka apnaqañ qalltäna.

2 Reyes 15:1 Jak'a apnaqawi uñst'ayäwi

2 Reyes 14:21

Ucatsti Judá take marcpachawa Azarías waynaru catusina reyita utt'ayapjjäna, Amasías awquip lanti. Azariasasti ucqhajj tunca sojjtan maranïnwa.

2 Reyes 14:23

Cunapachatï Judänquir Joás chachan Amasías yokapa reyejj tunca pheskan mara apnakascäna ucqhawa Israelana Joás chachan Jeroboam yokapa reyejj Israel marcjjaru reyïña kalltäna; ucatsti Samaria marcanjja pusi tunca mayan maraw apnakäna.

2 Reyes 14:29

Cunapachatï Jeroboam reyejj jiwjjäna ucqhajja, Israelan reyinacapamp chicaw imt'jjapjjäna. Ucatsti jupa lantejj Zacarías sat yokapaw reyëjjäna.

2 Reyes 15:13

Jabes chachan Salum yokapasti kalltänwa reyïña, cunapachatï Judá marcanquir Uzías reyejj quimsa tunca llätuncani mara apnakascäna ucqha. Ucampis mä phajjsiquiwa Samaria marcana apnakäna.

2 Reyes 15:17

Cunapachatï Azarías reyejj Judá marcan quimsa tunca llätuncani mara apnakascäna, ucqhawa Gadi chachan Manahem yokapajj Israel marcjjaru apnakaña kalltäna, ucatsti Samaria marcanjja tunca marawa apnakäna.

2 Reyes 15:23

Cunapachatï Judá marcanquir Azarías reyejj tunca pheskani mara apnakascäna ucqhawa Manahem chachan Pekaía yokapajj Israel marcaru apnakaña kalltäna, ucatsti Samaria marcanjja pä maraquiwa apnakäna.

2 Reyes 15:27

Cunapachatï Judá marcan Azarías reyipajj pheska tunca payan mara reyïscäna ucqhawa Remalías chachan Peka yokapajj Israel marcjjaru apnakaña kalltäna, ucatsti Samaria marcanjja pä tunca maraw apnakäna.

2 Reyes 15:8

Cunapachatï Judá orakenquir Azarías reyejj quimsa tunca quimsakallko mara apnakascäna ucqhawa Jeroboam chachan Zacarías yokapajj Israelan apnakañ kalltäna, ucatsti Samaria marcanjja sojjta phajjsiwa apnakäna.

2 Crónicas 26:1

Ucatsti Judá orakenquiri take jakenacajj Uziasaru catusinjja reyitwa utt'ayapjjäna, Amasías awquip lanti. Ucapachasti Uziasajj tunca sojjtani maranïnwa.

Isaías 1:1

Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna: