2 Reyes 13:19 - Qullan Arunaca

¹⁹ Ucatsti profetajj jupataquiw colerasïna, aqham sasa: —Jumatejj oraker lek'jjasamäna pheska, jan ucajj sojjta cutisa ucqhajja, jumajja atipjasamänwa Siria jakenacarojja tucjañcama; ucampis jichhajj atipjätawa quimsa cutiqui.

Aymar Bibliia 1986

¹⁹ Ucatsti profetajj jupataquiw colerasïna, aqham sasa: —Jumatejj oraker lek'jjasamäna pheska, jan ucajj sojjta cutisa ucqhajja, jumajja atipjasamänwa Siria jakenacarojja tucjañcama; ucampis jichhajj atipjätawa quimsa cutiqui.

Qullan Arunaka DC

¹⁹ Ukat profetax jupatak q'apisïna, sarakïnwa: —Jumatix uraqir phisqa kuti, jan ukax suxta kutis jawq'antasamänxa, Siria jaqinakar tukjañkamaw atipjasamäna; jichhasti kimsa kutikiw jupanakar atipjäta —sasa.

2 Reyes 13:19 Jak'a apnaqawi uñst'ayäwi

2 Reyes 13:18

Ucatsti reyirojj sänwa: —Flechanac catjjarum —sasa. Reyejj uqham catjjarusquipanjja, Eliseojj sänwa: —Jichhasti orakeru lek'jjam —sasa. Reyisti quimsa cuti lek'jjasinwa pachpar jan lek'cjjänti.

2 Reyes 13:25

Ucatsti Joacaz reyin Joás yokapaw cutirayjjäna Ben-adad uca reyin amparapata, cawquïr marcanactejj jupajj guerran aparcäna Joacaz awquipata ucanaca. Ucatsti Joás reyejj Ben-adad reyirojj quimsa cutiwa atipjäna, ucatjja cutirayasjjänwa Israelan marcanacapa.

2 Reyes 4:16

Ucatjja Eliseojj sänwa: —Jutir marataquejja aca pachpa urunacataquisti mä wawa amparamana icht'atäyätawa —sasa. Uca warmisti sänwa: —Janiw, Diosan chhijllat jakepa, jan naya sirvirimarojj sallkjistati —sasa.

2 Reyes 4:40

Ucatjja profetanacan mank'apjjañapataquiwa loktapjjäna; ucatsti mank'aña kalltasinjja jupanacajj jach'atwa sapjjäna: —¡Profeta, aca mank'ajj venent'atawa! —sasa. Ucatjja janiw mank'cjjapjjänti.

2 Reyes 5:20

Eliseo profetan Giezi sat uywatapasti aqham sasaw lup'isïna: “Uywirejjajja Sirianquiri Naamanarojja sarayjjaquiwa, cuntejj jupajj apancäna ucatjja jan cunsa catokasa. Nayajj juramentwa lurta jupar mäqui jicjjatir sarañajjataqui, ucatsti cunsa jupatjja catokapunïwa” sasa.

2 Reyes 6:9

Ucatsti Eliseojj qhitänwa Israelan reyipar saniñapataqui: “Jan uca chekanjama sarapjjañapataqui, sirionacajj uca chekaru sarapjjatap laycu” sasa.

Jeremías 48:10

(¡Maldecitäpan cawquïri jaketejj jan suma chuymampi Tatitun ejjwata irnakañanac phokcani ucajja. Maldecitaraquïpan cawquïri jaketejj jan jiwayañ munqui ucajja!)

Levítico 10:16

Ucatsti Moisesajj tumparaquïnwa cawquïri cabritotejj jucha luratata sacrificiot loktatäcänjja uca, ucatsti yatisjjaraquïnwa uca cabritojj naqhantayatäjjatapa. Ucatwa Moisesajj colerasïna Eleazar, uqhamarac Itamar sisqui ucanacataquejja, ucanacasti Aaronan pani yokanacapajj jilt'cäna ucanacänwa, ucat jupanacarojj saraqui:

Números 16:15

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Marcos 6:5

Ucansti janiw cuna milagronacsa lurcänti, mä kawkha usutanacaruquiw amparapampi lokjjatt'as c'umaraptayäna.