2 Reyes 13:13 - Qullan Arunaca

¹³ Cunapachatï Joás reyejj jiwjjäna ucqhajja, Samaria marcanwa imt'jjapjjäna Israelan reyinacapamp chica. Ucatsti tronorojja Jeroboam chachaw maqhatjjäna.

Aymar Bibliia 1986

¹³ Cunapachatï Joás reyejj jiwjjäna ucqhajja, Samaria marcanwa imt'jjapjjäna Israelan reyinacapamp chica. Ucatsti tronorojja Jeroboam chachaw maqhatjjäna.

Qullan Arunaka DC

¹³ Joás reyix jiwxäna ukapachasti, juparux Samaria markan imt'xapxäna Israel markan reyinakap thiyaru. Uka qhipatsti Jeroboam yuqapaw jupa lantix marka apnaqxäna.

2 Reyes 13:13 Jak'a apnaqawi uñst'ayäwi

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Reyes 1:21

Janitejj uqham utt'aycäta ucajja, cunapachatï juma jach'a reyejj jiwjjäta ucqhajja, Salomón yokajjasa, nayasa jiwayañataqui juchañchatäpjjäwa —sasa.

1 Reyes 11:31

ucatsti Jeroboam chacharusti sänwa: “Jumajj catum aca tunca ch'iyakatanaca; Israelan Tatit Diosapajj sistamwa: ‘Nayajj Salomonatjja reino apakäwa, ucatsti jumarojj tunca tribu churäma.

1 Reyes 2:10

Davidajj jiwjjänwa, ucatsti imt'atäjjaraquïnwa Davidan marcaparu, nayra awquinacapampi chica.

2 Reyes 13:12

Ucat ucjjar Joás reyin sarnakäwipasa, take luratanacapatsa, ch'amapatsa, uqhamarac cunjämsa jupajj nuwasïna Judá marcanquir Amasías reyimpi ucanacatsa kellkatawa Israelana reyinacapan crónicas sat libropana.

2 Reyes 13:14

Eliseojj wali usuntata jiwañampïnwa, ucatsti jupan ucarojj Israelan reyipaw uñjir jutäna, jacht'asisaw khomantäna, aqham sasa: —¡Awquejja, awquejja, jumasti Israel marcataquejja wali ch'aman ejercitjamäyätawa! —sasa.

2 Reyes 13:9

Cunapachatï jiwjjäna ucqhasti Samaria marcanwa imt'jjapjjäna. Ucatjja jupa lantejja Joás yokapaw reyëjjäna.

2 Reyes 14:15

Ucat ucjjar Joás reyin sarnakäwipasa, luratapatsa, ch'amapatsa, uqhamarac Judá ucanquir Amasías reyimpi nuwasitapatsa kellkatawa Israelan reyinacapan crónicas sat libropana.

2 Reyes 14:23

Cunapachatï Judänquir Joás chachan Amasías yokapa reyejj tunca pheskan mara apnakascäna ucqhawa Israelana Joás chachan Jeroboam yokapa reyejj Israel marcjjaru reyïña kalltäna; ucatsti Samaria marcanjja pusi tunca mayan maraw apnakäna.

2 Reyes 15:12

Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

Oseas 1:1

Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.