2 Reyes 12:10 - Qullan Arunaca

¹⁰ Cunapachatï arcana walja kollke utjatapa uñjapjjäna ucqhajja, reyin secretariopampi, sumo sacerdotempi jutasinjja jact'apjjänwa templonjja kawkha kollkes utji uca, ucatjja imjjapjjänwa mä bolsanacaru.

Aymar Bibliia 1986

¹⁰ Cunapachatï arcana walja kollke utjatapa uñjapjjäna ucqhajja, reyin secretariopampi, sumo sacerdotempi jutasinjja jact'apjjänwa templonjja kawkha kollkes utji uca, ucatjja imjjapjjänwa mä bolsanacaru.

Qullan Arunaka DC

¹⁰ 10 (11) Kunapachatix qullqi uchañan phuqhäxatap uñjapxäna ukkhasti, reyin qillqiripampi, sacerdotenakan jilïripampiw jutapxäna, ukatsti uka qullqinak taqpach jakthapisin mä wayaqanakaruw uchxapxäna,

2 Reyes 12:10 Jak'a apnaqawi uñst'ayäwi

2 Samuel 20:25

Seva sat jakesti take cunanacatejj lurascän ucanaca kellkeriraquïnwa, Sadoc uqhamaraqui Abiatar sat jakenacasti sacerdotenacäpjjaraquïnwa.

2 Samuel 8:17

Ahitob sat jaken Sadoc yokapampi uqhamaraqui Ahimelec sat Abiatar jaken yokapampisti sacerdotenacäpjjaraquïnwa; Seraías jakesti take cunanacatejj lurasqui ucanac imiriraquïnwa.

2 Reyes 12:11

Ucatjja kollke utjatapa uñjasinjja, churapjjänwa qhitinacatejj templona lurayapcäna ucanacaru, pagapjjañapataqui carpinteronacaru, uqhamarac Tatitun templopana lurapqui ucanacarusa,

2 Reyes 19:2

Ucatsti Amoz chachan Isaías profet yokapan ucaruw qhitäna palacionquiri Eliaquim sat mayordomoro kellkeri Sebna sat chacharu, uqhamarac sacerdotenacat jilïr awquinacaru chhanqha isinacamp isthapita llaquisiña uñacht'ayañataqui,

2 Reyes 22:12

Ucat ucspachawa reyejj säna Hilcías sacerdoteru, Safán chachan Ahicam yokaparu, Micaías chachan Acbor yokaparu, Safán kellkeriru, reyin Asaías sat oficialaparu, aqham sasa:

2 Reyes 23:4

Ucatsti reyejj Hilcías sumo sacerdoterusa, payïri sacerdoterusa, uqhamarac puncu uñjirinacarusa aqham sänwa: “Tatitun templopatjja apsunipjjam Baal diosan, Asera diosan take yänacapa, uqhamarac alajjpachanquir warawaranacan yänacapsa” sasa. Ucatjja ucanacjja ninampiwa naqhantayäna Jerusalén marca ankäjjana Cedrón chekana, ucatsti Betel chekaruw khellanacapjja apjjäna.

2 Reyes 5:23

Naamán generalasti ucjjarojj sänwa: —Achict'assmawa, sojjta waranka kollke catokañama —sasa. Naamanasti sascaquiwa catokañapataqui, ucatsti pä bolsanacaruwa ucharapi, pä isi trucsusiñampi, ucatjja pä uywatanacaparuwa apayarapi Giezin nayrakatapa.

1 Crónicas 9:19

Salum chachasti Coré ucan wawapänwa, jupasti Ebiasaf ucan wawapänwa, jupasti Coré ucan wawapänwa, familianacapasti coreitanacänwa, jupanacasti kollan chekaru mantañawjan uñjapjjañapataqui uchatäpjjänwa, cunjämatï nayra awquinacapajja Tatitun campamentopar mantañawjan uñjapcäna uqhama.

2 Crónicas 24:11

Levitanacasti arcjja apapjjänwa reyin ucaru uñjañapataqui, ucatjja cunapachatï walja kollke utj-jjäna ucqhasti, purinipjjänwa reyin kellkeripa, uqhamarac sumo sacerdoten qhitanita uñakeripa, jupanacasti arcatjja warsupjjänwa, ucatsti aptasinjja wasitatwa cawcqhancäntejj ucqharu uchjjapjjäna. Uqhamaw sapürusa lurapjjäna, ucatsti walja kollkwa apthapipjjäna.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.