2 Reyes 11:4 - Qullan Arunaca

⁴ Pakallk mararusti Joiada sacerdotejj jawsayanïnwa capitananacaru, cereteonacaru, uqhamarac guardianacaru, ucatsti Tatitun temploparuwa mantayaraquïna, cawqhanccäntejj jupajj ucaru. Ucansti jupanacampejja juramento lurasinwa mä suma parlt'äwiru mantäna, uqhamaraquiw jupanacarojj uñacht'ayaraquïna reyin Joás yokaparusa.

Aymar Bibliia 1986

⁴ Pakallk mararusti Joiada sacerdotejj jawsayanïnwa capitananacaru, cereteonacaru, uqhamarac guardianacaru, ucatsti Tatitun temploparuwa mantayaraquïna, cawqhanccäntejj jupajj ucaru. Ucansti jupanacampejja juramento lurasinwa mä suma parlt'äwiru mantäna, uqhamaraquiw jupanacarojj uñacht'ayaraquïna reyin Joás yokaparusa.

Qullan Arunaka DC

⁴ Paqallqu maräxipansti, Joiadá sacerdotex reyir uñjirinakan capitananakapampiru, reyi uta uñjirinakan jilïrinakapampiruw jawsayanïna, ukatsti jupanakamp parlañatakix Tatitun utaparuw jupanakar mantayarakïna. Ukansti Joiadá sacerdotex juramento lurayasaw mä arust'äwi jupanakamp luräna, ukat jupanakar reyin Joás yuqapar uñacht'ayäna,

2 Reyes 11:4 Jak'a apnaqawi uñst'ayäwi

Génesis 50:25

Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

2 Samuel 20:23

Joab chachaw Israel marcan ejercitopan jach'a jilïriparaquïnjja, Joiada jaken yokapa Benaía sata jakesti uñjirinacan jilïriparaquïnwa, uca uñjirinacasti cereteonaca, peleteonaca ucanacaraquïnwa.

2 Samuel 8:18

Benaía sat Joiada jaken yokapasti cereteonacan apnakeriparaquïnwa, uqhamaraqui peleteonacampina. David reyin yokanacapasti sacerdotenacäpjjaraquïnwa.

1 Reyes 14:27

Roboam reyisti ucanac lantjja broncetwa escudonaca lurayjjäna, ucatsti catuyänwa uñjapjjañapataqui reyina palacioparu mantañäqui uca guardianacan oficialanacaparu.

1 Reyes 18:10

Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

2 Reyes 11:17

Ucatsti Joiada sacerdotejj suma parlt'äwiruwa mantäna Tatitumpi, reyimpi, uqhamarac marcampisa, jupanacajj Tatitun marcapäpjjañapataqui, uqhamarac reyimpi marcampiraqui.

2 Reyes 11:19

Ucjjarusti irptawayänwa capitananacaru, cereteonacaru, guardianacaru, uqhamarac take jakenacarusa, ucatjja reyimpi chicpachawa sarapjjäna templota reyin palaciopcama, guardianacana puncup cheka mantawayasa. Ucatsti Joás reyiwa tronona kont'asïna.

2 Reyes 11:3

Joás wawasti uywiripampejja sojjta maraw Tatitun templopana imantatäscäna. Uccañcamasti Atalía warmiwa marcarojj apnakascäna.

2 Reyes 11:9

Capitananacasti lurapjjänwa cuntejj Joiada sacerdotejj jupanacar siscäna uqhamaru. Sapa mayniwa jakenacaparu sarayäna samarañ uruna guardiata mantapcäna, uqhamarac misturinacasa, ucatsti Joiada sacerdoten ucaruw uñstapjjäna.

2 Reyes 12:7

Ucatsti Joás reyejj jawsayanïnwa Joiada sacerdoteru, uqhamarac mayni sacerdotenacarusa, aqham sasa: “¿Cunatsa jumanacajj templo jan asquichapctajja? Jichhüruta ucsarusti janiw juc'amp kollke catokcjjapjjätati, imatanaca apnakerinacatjja; qhitintejj utjqui ucajja, churjjañapawa templo asquichayañataqui” sasa.

2 Reyes 23:3

Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

1 Crónicas 9:13

jupan familianacapasti waranka pakallk pataca sojjta tuncanïpjjänwa, familianacatjja jilïrcamaquïnwa, jupanacasti Diosan utapan sirviñanjja suma yatichatäpjjänwa.

2 Crónicas 15:12

Ucatsti take chuymaw arsupjjaraquïna take chuymampi Tatitur thaktaña, nayra awquinacapan Diosaparu.

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Nehemías 5:12

Ucatsti sapjjänwa: —Take ucanacjja cutt'ayjjapjjäwa, janiw cunsa mayiscjjapjjäti. Cunjamtï jumajj sisctajja uqhamwa take lurapjjäjja —sasa. Ucatsti sacerdotenacaruw jawsta, uqhamaraqui jupanac nayrakatana juramento lurapjjañapataqui cuntï jupanacajj arsupcäna uca phokhapjjañapataqui.

Nehemías 9:38

“Take acanacwa nanacajj arsupjjta phokhañataqui aca kellkata toke, uca arust'äwi kellkatarusti firmapjjewa jilïrinacajja, levitanaca, uqhamarac sacerdotenacampi.”

Hechos 5:24

Uc ist'asinjja sacerdotenacan jach'a jilïripajja, templo uñjirinacan jilïripasa uqhamarac jilïri sacerdotenacasa, jupanac puraw jisct'asipjje: —¿Cunarac jupanacampisti pasjjpacha? —sasa.

Hechos 5:26

Uc ist'asinsti, guardian jilïripajja soldadonacampiw sarapjje apostolonac irptaniñataqui. Jan cun camacht'asaw sumatac irpanipjjäna, marcanquir jakenacamp jan kalampi c'upjayasiñataqui.

Josué 24:25

Uca quipca ururaquiw Josué chachajj Siquem sat chekan mä suma amtäwiru Israel marcampi mantäna, ucatsti leyinaca, arsutanacapa churaraquïna.

1 Samuel 18:3

Jonatanampi, Davidampisti wiñay uqham munasiñataquiw juramento lurapjjäna, Jonatanasti Davidarojj jupa quipcarjam munasitap laycu.

1 Samuel 23:18

Uqhamasti panpachaniw mä amtäwi lurapjjäna, Tatitun nayrakatapana. Uca khepatsti Jonatanajj utaparuw cuttanjjäna. Davidasti Hores sisqui uca chekaruw kheparjjaraquïna.