2 Reyes 11:14 - Qullan Arunaca

¹⁴ Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

Aymar Bibliia 1986

¹⁴ Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

Qullan Arunaka DC

¹⁴ Ukansti Joás reyiruw uñjäna, templon sayirinakap jak'an sayt'atäskiri, kunjamäkäntix sarapax ukhamarjama. Jupa jak'ansti capitananakampi, musiconakampiw ukankapxäna; jaqinakasti wali kusisitaw trompetanaka phust'apxäna. Ukham uñjasinsti Atalía reinax isip ch'iyanuqasïna, jach'at art'arakïna: —¡Sallqjapxituwa! ¡Sallqjapxituwa! —sasa.

2 Reyes 11:14 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 44:13

Ucatsti jupanacajj isinacapwa ch'iyarasipjjäna, llaquinacap uñacht'ayañataqui. Ucatsti sapa mayniw carganacapjja asnopar qhumjjatasin marcar cuttanipjjäna.

1 Reyes 1:25

Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

2 Reyes 11:15

Ucampis Joiada sacerdotejja ejerciton jilïrïqui uca capitananacarojj sänwa: “¡Aca templotjja apsupjjam aca warmiru, qhititejj jupar arccani ucarusti espadampi jiwayapjjam!” sasa. Ucatjja cunjämatï sacerdotejj siscatayna: —Janiw Tatitun templopana jiwayapjjätati —sasajja,

2 Reyes 23:3

Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

2 Reyes 9:13

Ucat ucspachawa sapakat mayni jupanacajj capanacapa apakasisina cayupa nayrakataru jant'acupjjäna ucanjam maqhatañapataqui. Ucatsti ovej wajjrata pututt'asinjja art'apjjänwa: “¡Jehú capitanaw reyejja!” sasa.

2 Reyes 9:23

Ucat ucspachaw Joram reyejj carropa cutiquipstayasajj jaltjjäna, Ocozías reyiru aqham jach'at art'asa: —¡Ocozías, sallkjatätanwa! —sasa.

1 Crónicas 12:40

Uqhamaraquiwa jac'anquiri masinacapasa Isacar ucatsa, Zabulón, uqhamarac Neftalí ucatsa mank'jja apapjjäna asnonacata, camellonacata, mulanacata, uqhamarac orko vacanacatsa. Jupanacasti cunayman mank'añanacwa apapjjäna, jac'u, higota tortanaca, pasas, vino, aceite, uywanacatjja orko vacanaca, ovejanaca; take cunsa jilarquirwa apapjjäna, Israel marcpachana wali cusisiña utjatap laycu.

2 Crónicas 34:31

Ucatsti reyejj templon pilaranacap jac'anwa sayt'asïna, ucat jupajj Tatitun nayrakatapanjja arsusïnwa jupar jaysañataqui, cheka chuymampi suma phokhañataqui mandamiento arunacaparu, ewjjanacaparu, leyinacaparusa, uqhamarac librona kellkatäqui uca sumar mantäwi arunacapar phokhañataquisa.

Proverbios 29:2

Cunapachatejj asqui jakenacajj jiljjatapqui ucqhajj, jakenacajj cusisipjjewa; cunapachatejj khoru jakenacajj jilïrit apnakapqui ucqhasti, jakenacajj waliw t'akhesipjje.

Lucas 19:37

Olivos kollu sarakañar jac'achasisinjja, takeni arcapcänsa ucanacajj cusisiñat jach'at art'añ kalltapjjäna, uqhamarac Diosar yupaychañsa take uñjapcataynas uca milagronacata.