2 Reyes 11:12 - Qullan Arunaca

¹² Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

Aymar Bibliia 1986

¹² Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

Qullan Arunaka DC

¹² Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

2 Reyes 11:12 Jak'a apnaqawi uñst'ayäwi

2 Samuel 1:10

Uqhamasti nayajj jac'achasisinjja juparojj jiwayjjaractwa, nayasti amuyaraquïyätwa, jupan aynacht'jjatapatjja janiw jaquirjamäcjjänti. Ucatsti janc'aquiw p'ekepanccäna uca corona apakta, uqhamaraqui amparapanccäna uca brazaletsa, juman ucar apanjjañataqui, tata —sasa.

2 Samuel 12:30

Ucatsti reyipan p'ekepatjja coronapa apakaniraquïna, suma c'ajquiri kalanacampi uchataraquïnwa, quimsa tunca quimsani kilo korit lurataraquïnwa, ucatsti uca coronjja Davidaruw asjjatapjjaraquïna. Uqhamarus Davidajj uca marcatjja jila alani yänacampwa apsunïna.

2 Samuel 16:16

Ucatsti Husai sata arquitanquiri jakesti, qhititejj Davidan amigopäcaraquïn ucasa Absalón jakeru jicjjatirejj sararaquïnwa, aqham arnakt'asisa: —¡Jallalla rey! ¡Jallalla rey! —sasa.

2 Samuel 2:4

Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

2 Samuel 2:7

Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

1 Reyes 1:25

Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

1 Reyes 1:34

Sadoc sacerdotesa, uqhamarac Natán profetasa Israelan reyipata utt'aypan, ucatjja orko ovejan wajjrapata phust'apjjam, uqhamarac art'apjjam: ‘¡Jach'achatäpan Salomón reyejja!’ sasa.

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Reyes 2:44

Jumajj sumwa yattajja cuna jan waltejj David awquejjaru lurctajja ucjja. Ucatwa Tatitojj wact'ayi cuna jan waltejj lurctajj ucjja juma pachpa catokañamataqui.

2 Reyes 11:11

Guardianacasti puestonacaparuw sayt'asipjjäna, templona cupëjja toket kalltasina, ch'ekäjjcama, uqhamarac altar muytpacha, sapa maynisa amparanacapanjja armancamäpjjänwa reyeru jarc'akañataqui.

2 Reyes 11:2

Ucampis Joram reyin Josaba sat phuchapasti, qhitiraquitejj Ocozías reyin cullacapäcäna ucajja, Ucoziasan Joás sat wawaparuwa imantäna, reyin maynïr wawanacapar jiwaraycäna ucqha. Atalía warmitjja wawjja imakänwa uywiripamppacha mä iquiña utaru. Uqhamatwa jan jiwayapcänti.

2 Reyes 11:4

Pakallk mararusti Joiada sacerdotejj jawsayanïnwa capitananacaru, cereteonacaru, uqhamarac guardianacaru, ucatsti Tatitun temploparuwa mantayaraquïna, cawqhanccäntejj jupajj ucaru. Ucansti jupanacampejja juramento lurasinwa mä suma parlt'äwiru mantäna, uqhamaraquiw jupanacarojj uñacht'ayaraquïna reyin Joás yokaparusa.

2 Reyes 9:13

Ucat ucspachawa sapakat mayni jupanacajj capanacapa apakasisina cayupa nayrakataru jant'acupjjäna ucanjam maqhatañapataqui. Ucatsti ovej wajjrata pututt'asinjja art'apjjänwa: “¡Jehú capitanaw reyejja!” sasa.

2 Reyes 9:3

Ucatsti aceite catusinjja, p'ekep patjjaparu warjjatam, aqham sasa: Aqham siw Tatitojja: “Nayaw utt'aysma Israelan reyipata. Ucatsti puncu jist'arasisinjja mäquiw jalsuniwayjjäta jan sayt'asa” —sasa.

2 Crónicas 23:11

Ucatsti Joiada sacerdotempi, yokanacapampejja reyin yokaparuwa irpsunipjjäna, corona p'ekepjjaru uchasa, uqhamarac catuyapjjäna Diosan leyi kellkatanacapa. Juparu aceitempi warjjatasinjja, reyitwa utt'ayapjjäna. Ucatsti takeniwa cusisiñat art'apjjäna: “¡Jacpan reyejja!” sasa.

Ester (hebreo) 2:17

Ucampis Asuerojj Ester tawakorojj wali munäna mayni warminacat sipansa. Ucatsti jupajj Asueron suma munasiñapwa jicjjatäna, mayni tawakonacat sipansa. Ucatsti reyejj Ester warmirojj mä corona p'ekepar uchäna, uqhamata reinata utt'ayasa Vastin lantipata.

Ester (hebreo) 6:8

apanipjjañapawa cawquïr suma istejj reyejj uchasqui uca isi, ucjjarojj mayni cawquïr caballottejj reyejj sarnakqui uca, uqhamarac cawquïr corontejj reyejj uchasqui uca corona.

Salmos 132:18

Timanacaparusti p'enk tucuñampiw isthapiyä, juparusti intjam c'ajayä” sasa.

Salmos 21:3

Jach'a asquinac churasaw jupar catoktajja, p'ekeparusti suma kori pillumpiw asjjattajja.

Salmos 21:4

Jupajj jacañ mayisïyätam, jumasti jacañ churtajja, walja maranac jacañampi, jan tucusir jacañamp catuytajja.

Salmos 47:1

Takpach marcanaca, ampar t'ajjllirasipjjam, cusisiñat art'asiñamp Diosar jach'añchapjjam:

Salmos 78:5

Diosaw Jacobotaquejj mä thac uñstayäna, Israel marcaruw camächit arunac churäna: jupaw nayra awquinacasarojj mayïna, wawanacapar yatichañataqui,

Salmos 89:39

Uywatamampejj arust'äwi p'aquinttajja; pillupsti orakeruw jakonuctajja.

Salmos 98:8

jawiranacajj amparanacap t'ajjllirasipjjpan; kollunacajj mayachasisin cusisiñamp art'asipjjpan,

Éxodo 25:16

Uca arcarojj ucharaquïtawa cawquïr amtäwinactejj lurctan uca leyinaca.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Isaías 55:12

“Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini.

Isaías 8:16

“Aca arunacsti sum imapjjam; jan uñjañäwjaru aca yatichäwinacajja ejjwanacajja imjjäsipjjam.

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Lamentaciones 4:20

Tatitun ajllitapasti preso catuntataw uñjasi, jacañasaru ch'ama churirejja, cawquïri reyittejja siscaraquïyätan: “Jupan apnakataw marcanac taypin jacasiraquiñäni” sasa.

Daniel (hebreo) 3:9

ucat sapjjäna: —Jach'a reyejj wiñayataqui jacpan, sutipasti wiñayataqui amtataraquïpan.

Daniel (hebreo) 6:21

Daniel chachasti ucjjarojj saraquïnwa: —¡Juma, jach'a reyejj, wiñayataqui jacam!

Mateo 21:9

Nayrakat sarapcän uca jakenacasti, uqhamarac khepat arcasipcän ucanacasa art'añ kalltapjjäna: “¡Jach'achatäpan rey Davidan Yokapajja! ¡Bendicitäpan Tatitun sutipar jutirejja! ¡Diosajj Jach'achatäpan!” sasa.

Mateo 27:29

P'ekeparusti mä ch'aphi corona uscupjjaraquïna, cupi amparaparusti mä vara churapjjaraquïna. Ucatsti jupan nayrakatapar quillt'asisinjja wal larusipjjäna, sapjjaraquïnwa: —¡Jach'achatätaw judionacan Reyipa! —sasa.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

2 Corintios 1:21

Diosaw nanacarus jumanacarus sum sayt'ayistu Cristo Tatitunjja, uqhamarac jupataquiqui tucuyistu.

Hebreos 1:9

Cunatejj chekäqui ucwa muntajj, jan walïqui ucsti uñistawa; ucatwa juman Diosamajj chhijllastam, jumjjarojj juc'amp jila cusisiñjj churtamjja mayninacat sipansa.

Hebreos 2:9

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.

Apocalipsis 19:12

Nayranacapajj ninar uñtataw khanäna, p'ekeparusti walja coronanacampi asjjatataraquïnwa, ucatsti mä sutimpi kellkt'ataraquïnwa, uca sutsti jupa sapaquiraquiw yatïna.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 10:24

Samuelosti take jakenacaruw jisct'araqui: —¿Jichhajj cawquïrirutejj Tatitojj reyit ajllqui ucarojj uñcatjjapjjtati? ¡Janiw mayni israelitas jupjamajj utjquiti! —sasa. Ucjjarusti jakenacajj: —¡Jallalla rey! —sasaw art'apjjaraquïna.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.