2 Reyes 10:6 - Qullan Arunaca

⁶ Jehú reyejj payïr cutinwa carta kellkasa apayäna, aqham sasa: “Jumanacatejj nayampïpjjsta ucajja, ucatsti cuntï sapcäma ucarutejj ist'añ munapjjchista ucajja, Acab reyin wawanacapar p'ekenacapa apakapjjam, ucatsti kharüru aca pachpa horasaru Jezreel chekaru uñjiri jutapjjeta” sasa. Acab reyina pakallk tunca yokanacapsti marcanquir jilïr jakenacaw uywapjjäna.

Aymar Bibliia 1986

⁶ Jehú reyejj payïr cutinwa carta kellkasa apayäna, aqham sasa: “Jumanacatejj nayampïpjjsta ucajja, ucatsti cuntï sapcäma ucarutejj ist'añ munapjjchista ucajja, Acab reyin wawanacapar p'ekenacapa apakapjjam, ucatsti kharüru aca pachpa horasaru Jezreel chekaru uñjiri jutapjjeta” sasa. Acab reyina pakallk tunca yokanacapsti marcanquir jilïr jakenacaw uywapjjäna.

Qullan Arunaka DC

⁶ Jehú reyisti payïr kutiw qillqat jupanakar apayäna, akham sasa: “Jumanakatix nayampïpxsta ukaxa, ukatsti nayar jaysañ munapxarakchista ukaxa, Ahab reyin wawanakapar katuntasin p'iqinakap apaqapxam, ukatsti qharüru akapacharu uka p'iqinak apt'ata Jezreel markar jutapxam” sasa. Ahab reyin paqallq tunka yuqanakaparusti markankir aytat jilïr jaqinakaw uywapxatayna,

2 Reyes 10:6 Jak'a apnaqawi uñst'ayäwi

2 Reyes 10:5

Ucatsti palacionquiri mayordomosa, uca marcan gobernadorapasa, chuyman awquinacasa, uqhamarac Acab reyin wawanacap uñjiri chachanacasa qhitapjjänwa Jehú reyir saniñapataqui; aqham sasa: “Nanacajj juman amparamancapjjtwa, ucatsti cuntejj sapquitäta ucwa lurapjjäjja, ucampis janiw qhitirus reyit utt'ayapcäti. Jumajj lurascaquim cunjämay jumataqui asquïchi uqhamaru” sasa.

2 Reyes 10:7

Jupanacasti aca cartanaca catokasinjja, uca pakallk tunca yokanacap catusinjja jiwarayapjjänwa; ucatjja p'ekenacapa apakasinjja canastanacaruwa uchapjjäna, ucatsti Jezreel chekaruwa apayapjjäna.

2 Reyes 10:9

Khepürojja, Jehú reyisti mistusinjja sayt'asisin take marcanquir jakenacarojj sänwa: “Jumanacajj janiw juchanïpctati. Nayawa reyejja toke amtasina jiwayta; ucampisa ¿qhitisa take acanacaru jiwarayejja?

2 Reyes 9:32

Jehú capitanajj ventanar uñtasinjja sänwa: —¿Qhitis nayampejja? —sasa. Ucatjja palacionquiri paya, jan ucajj quimsa oficialanacawa jupataqui alt'asinipjjäna.

Job 21:19

Sataraquiwa: ‘Diosajj awquinacapan juchanacapatjja wawanacaruw t'akhesiyi’ sasa. Ucampisa pachpa ñankha jakew t'akhesiscañapajja, juchapatsa phokhascañaparaquejja.

Números 25:4

Tatitu Diosajj Moisesarojj sänwa: —Tantachthapim marcan take jilïrinacaparu, ucatsti urpach jiwarayam nayan nayrakatajjana; uqhamatwa colerajjajj t'acuraquini Israel marcataquejja —sasa.

Mateo 12:30

“Qhititejj jan nayampïqui ucajj naya contrawa. Jan nayampi apthapiristi willirpayaraquiwa.

Lucas 9:50

Jesusasti jupanacarojj sänwa: —Jan jarc'apjjamti, qhititejj jan jiwas conträqui ucajj jiwasampïsquiwa —sasa.

Deuteronomio 5:9

Janiw ucanacar quillt'asïtati ni yupaycharaquïtasa; nayätwa Diosamajja wali ch'amani, janiraquiw muncti yakhampïpjjañamsa. Awquinacan juchanacapatsti wawanacan wawanacaparuw azot'iraquëjja, qhitinacatejj uñisipquitu ucanacaru.