2 Reyes 10:18 - Qullan Arunaca

¹⁸ Uca khepatsti Jehú reyejj marcanquir take jakenacaru tantacht'asinjja sänwa: “Acab reyejj Baal diosarojj mä juc'aqui yupaychänjja, ucampis nayajj juc'ampwa yupaychäjja.

Aymar Bibliia 1986

¹⁸ Uca khepatsti Jehú reyejj marcanquir take jakenacaru tantacht'asinjja sänwa: “Acab reyejj Baal diosarojj mä juc'aqui yupaychänjja, ucampis nayajj juc'ampwa yupaychäjja.

Qullan Arunaka DC

¹⁸ Uka qhipatsti Jehú reyix taqpach markaruw tantacht'äna, ukat jupanakar säna: —Ahab reyix Baal diosar juk'aki yupaychäna, ukampis nayax ukat juk'ampi yupaychä.

2 Reyes 10:18 Jak'a apnaqawi uñst'ayäwi

1 Reyes 18:19

Jichhasti jakenacaru qhitam, ucatsti take israelitanacaru tantachpan Carmelo sat kolluna, Baal diosan pusi pataca pheska tuncani profetanacaparu, uqhamarac Asera diosan pusi pataca profetanacaparusa, qhitinacarutejj Jezabelajj mank'ayqui ucanacaru.

1 Reyes 18:22

Eliasajj arsuscaquïnwa, aqham sasa: —Naya sapaquiwa Tatitun profetapajj jacasctjja, ucampis Baal diosan profetanacapasti pusi pataca pheska tuncanïpjjewa.

1 Reyes 18:40

Ucatjja Eliasajj sänwa: “¡Catuntapjjam Baal diosan profetanacaparu! ¡Jan qhitis jaltpanti!” sasa. Jakenacasti catuntapjjänwa, ucatsti Eliasajj apänwa Cisón sat jawiraru, ucanaracwa jupanacar qhariräna.

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

2 Reyes 3:2

Jupan luratanacapasti jan walinacänwa Tatitun nayrakatapana, janiw jupan luratapajj sinticänti awquipanjama, taycapanjama, jupasti apakayänwa awquipajj kalata luraycäna uca Baal diosaru.

Job 13:7

¿Jumanacasti amuyapjjtati Diosar c'arisitanacamampi arjjataña? ¿Jan ucajj amuyapjjaractacha c'arisitanacamampejj mä cuna ascsa Diosar lurapcasma uqhama?

Romanos 3:8

Uqhamäspa ucqhajja ¿cunataraqui jan walinac juc'ampi lursnasti walïquis ucanac jutañapataquisti? Acpï yakhepanacajj jan wali amtäwimpi sapjjestojja: “Jupanacajj acanacwa yatichapjje” sasa. Ucampis uca jakenacajj mutuyatäñapaw waquisi.

Filipenses 4:8

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.