2 Reyes 10:11 - Qullan Arunaca

¹¹ Jehú reyisti Jezreel marcan Acab reyin familiapat jilt'irirojja jiwarayänwa, take wali aytata jakenacaparu, wali suma amigonacaparu, uqhamarac sacerdotenacaparusa. Janiw qhitirus jacquir jaytcänti.

Aymar Bibliia 1986

¹¹ Jehú reyisti Jezreel marcan Acab reyin familiapat jilt'irirojja jiwarayänwa, take wali aytata jakenacaparu, wali suma amigonacaparu, uqhamarac sacerdotenacaparusa. Janiw qhitirus jacquir jaytcänti.

Qullan Arunaka DC

¹¹ Jehú reyisti Jezreel markanxa, Ahab reyin wila masinakapat jilt'irirux jiwarayänwa, ukhamaraki taqi wali aytata jaqinakaparu, wali suma masinakaparu, sacerdotenakaparusa. Janipuniw maynirus jaltaykänti.

2 Reyes 10:11 Jak'a apnaqawi uñst'ayäwi

1 Reyes 14:10

Ucatwa jichhajj jan walt'añanaca juman familiamjjarojj apayanëjja: Nayajj Israelanjja jiwayäwa juman familiamata chachanacaru; janiwa qhitisa kheparcaniti. Juman familiamjja k'alwa pichanucöjja, cunjämatï guanojj pichanucutäqui uqhama.

1 Reyes 15:29

Cunapachati reyïña kalltäna ucspachawa, Jeroboaman take familiaparu jiwarayäna. Ucasti phokhasiscänwa cunjämtï Tatitojj Silo chekanquir Ahías sat profetaru yatiycäna uqhamaruw Baasa reyejj take jiwarayäna Jeroboaman familiaparu. Janiwa qhitirusa jacasquirjja jaytcänti.

1 Reyes 16:11

Cunjämatï janc'aqui Zimri chachajj tronoru maqhatasina apnakaña kalltäna ucspachawa, Baasan take familiaparu jiwarayäna, janiw qhiti chacharusa familiapatsa, amigopatsa jacasquiri jaytcänti, uqhamata uqhama jan cutsuyasiñapataqui.

1 Reyes 18:19

Jichhasti jakenacaru qhitam, ucatsti take israelitanacaru tantachpan Carmelo sat kolluna, Baal diosan pusi pataca pheska tuncani profetanacaparu, uqhamarac Asera diosan pusi pataca profetanacaparusa, qhitinacarutejj Jezabelajj mank'ayqui ucanacaru.

1 Reyes 18:40

Ucatjja Eliasajj sänwa: “¡Catuntapjjam Baal diosan profetanacaparu! ¡Jan qhitis jaltpanti!” sasa. Jakenacasti catuntapjjänwa, ucatsti Eliasajj apänwa Cisón sat jawiraru, ucanaracwa jupanacar qhariräna.

1 Reyes 21:22

Uqhamarus familiamampejj luraraquïwa, cunjämtï Nabat chachan Jeroboam yokapan familiapampi lurcta, uqhamarac Ahías chachan Baasa yokapan familiapampisa, Israel marcar jucha lurayapjjatapata nayar colerayasa uqhama’ sasa.

1 Reyes 21:29

“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

2 Reyes 10:12

Ucatsti Samariaru thaquinjama, sarcasinsti awatirinacana Bet-equed sat chekaruw purïna.

2 Reyes 23:20

Ucatjja uca diosanacan santuario utanacapan sacerdotenacajj utjcäna ucanacarusti altar patjjanwa jiwarayäna; ucatjja uca patjjarojja take ch'aqhanacwa naqhantayäna. Ucatsti Jerusalén marcaruw cutt'anjjäna.

2 Reyes 9:7

Jumawa tucjäta Acab reyit uywataman saraker wawanacaparu, uqhamatwa cutsuyäta Jezabel warmina profetanacajjana, take sirvirinacajjana wilanacapa wartatapata.

2 Reyes 9:9

Acab chachat saraker chachanacampejja, cunjämtï lurcta Nabat chachan Jeroboam yokapampi, uqhamarac Ahías chachan Baasa yokapampisa uqhama.

2 Crónicas 22:7

Diosaw waquichäna Ocoziasajj Joram reyin ucar uñjt'ir sarcas jiwañapataqui. Uca horasa purisinjja Joramampi mistusinwa Nimsi chachan Jehú uca yokapampi jiquisir sarapjjäna. Ucampis Diosajj Jehú chacharuw ajllisïna Acab chachan familiaparu tucjañapataqui.

2 Crónicas 22:8

Cunapachatï Jehú chachajj Acab reyin familiaparu chekaparu uñjascäna ucqhajja, jicjjataraquïnwa Judá marcanquir jilïrinacaparu, uqhamarac Ocoziasan familianacaparusa, jupanacasti Ocoziasaruw sirvipjjäna, ucatsti jupanacarojj jiwarayänwa.

Job 18:19

Jakenacapa taypinsti janiw wawanacapajj utjcjjaniti, janiw maynisa utapanjja kheparcjjaniti.

Salmos 109:13

Allchhipan allchhipajj jiwarayatäpan, sutipajj wiñayatac chhaktpan.

Salmos 125:5

jan wali thaquinjam saririnacarusti, ñankha luririnacamp chic aynacht'ayam. ¡Israel marcansti samarañajj utjpan!

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Josué 10:30

Tatitusti uca marcjja jupanacarojj catuyaraquiquïnwa take cunanacatï utjcän ucanacamppacha, janiraquiw qhitisa ni cunasa khespiyata kheparcjjänti, Libna sat marcan reyiparojj Jericó marcan reyiparjamaraquiquiw luräna.

Josué 11:8

Diosasti Israel marcaruw atipjaña churäna, ucatsti jupanacajj khepat arctapjjäna Sidón uqhamarac Misrefot-maim sat marcacama, uqhamaraquiw arcapjjäna Mizpa sat chekacama jan mayani jiwarayasa.

Josué 15:56

Jezreel, Jocdeam, Zanoa,

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.