2 Reyes 1:14 - Qullan Arunaca

¹⁴ Alajjpachata ninajj sarakanisinjja naqhantänwa pä capitanaru uqhamarac soldadonacapamppacharu. Nayasti achict'assmawa nayat qhuyapt'ayasiñamataqui.

Aymar Bibliia 1986

¹⁴ Alajjpachata ninajj sarakanisinjja naqhantänwa pä capitanaru uqhamarac soldadonacapamppacharu. Nayasti achict'assmawa nayat qhuyapt'ayasiñamataqui.

Qullan Arunaka DC

¹⁴ Naya nayraqat jutir pä capitanampiru, jaqinakapamppachar alaxpachat ninax saraqanisin jupanakar nakhantatap yatta. Nayan jakañaxat khuyapt'ayasikitaya —sasa.

2 Reyes 1:14 Jak'a apnaqawi uñst'ayäwi

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Reyes 1:15

Ucatsti Tatitun angelapajj Eliasarojj sänwa: “Jupamp chica saram, jan jupar ajjsaramti” sasa. Eliasasti sarakanisinjja capitanamp chicaw reyin ucaru saräna,

Salmos 116:15

Tatitutaquejj wali llaquisiñawa, iyawsirinacapar jiwir uñjañajja.

Salmos 49:8

Jaken jacañapajj wali jila alaniwa, janiw cunas alañataquejj cunjjatcaspati,

Salmos 72:14

Jupaw t'akhesiñ taypit waysuni, jacañanacapan jila alanïtap laycu.

Proverbios 6:26

Jan wali sarnaker warmejja, kollkes laycuquiwa sarnake, ucampis chachanïcasina jucha lurir warmisti, cawquïritejj suma chachäqui uca catuycamaw sari.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

1 Samuel 26:21

Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.

1 Samuel 26:24

Cunjämatejj jichhürojj jach'a reyin jacañapa asquir uñjtjja, uqhamarac Tatitojj jacañajj-jja uñjitpan, take llaquisiñatsa khespiyaraquitpan —sasa.