2 Reyes 1:12 - Qullan Arunaca

¹² Eliasasti ucjjarojj sänwa: —Nayatejj profetästa ucajja, alajjpachat ninajj sarakanpan, ucatsti naqhantpan jumarusa, uqhamarac juman pheska tunca soldadonacamarusa —sasa. Ucat ucspachawa ninajj alajjpachata sarakanisina jupanacaru naqhantäna.

Aymar Bibliia 1986

¹² Eliasasti ucjjarojj sänwa: —Nayatejj profetästa ucajja, alajjpachat ninajj sarakanpan, ucatsti naqhantpan jumarusa, uqhamarac juman pheska tunca soldadonacamarusa —sasa. Ucat ucspachawa ninajj alajjpachata sarakanisina jupanacaru naqhantäna.

Qullan Arunaka DC

¹² Eliasasti sänwa: —Nayatix profetästa ukaxa, alaxpachat ninax saraqanpan, ukatsti jumampiru, phisqa tunka soldadomampir nakhantpan —sasa. Ukat ukspachaw alaxpachat ninax saraqanisin jupanakar nakhantäna.

2 Reyes 1:12 Jak'a apnaqawi uñst'ayäwi

1 Reyes 18:38

Uca horasanwa Tatitun ninapajj sarakanïna, ucatsti nact'ayañatac loktäwirojja k'al naqhantäna, lawanacarusa, uqhamarac kalanacamppacha, lak'amppacha, uqhamarac k'awancqui uca umamppacha wañsuyäna.

2 Reyes 1:11

Reyisti yakha capitanaruwa qhitäna yakha pheska tunca soldadonacampi, jupasti Eliasan ucar sarasinjja sänwa: —¡Profeta, reyejj mäqui sarakanpan sistamwa! —sasa.

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

Job 1:16

Uca jakejja uqham parlañjja janïraw tucuycänti, uqhamaruw maynejja puriniraquiquïnwa aqham sasa: —Khejjokhejjonacawa jiwarayi awatirinacaru, uqhamarac ovejanacarusa. Ucampis naya sapaquiw jaltanjjta jumaru yatiyañataqui — sasa.

Levítico 10:2

Ucatwa mä ninajj Tatitun nayrakatapat mistunïna, jupanacarusti k'alwa naqhantaraquïna. Uqhamwa jupanacajj Tatitun nayrakatapana jiwarapjjäna.