2 Crónicas 9:8 - Qullan Arunaca

⁸ ¡Tatit Diosamasti bendicitäpan, jumarusti suma chuymampiwa uñjtam, uqhamarac tronoparus ucharactam reyipäñamataqui! ¡Juman Diosamajj Israelaru munatap laycu, uqhamarac wiñayataqui apnakañamaquiraquiw jumarojja reyit utt'aytam jupanacaru cheka cancañampi, cheka lurañampi apnakañamataqui!” sasa.

Aymar Bibliia 1986

⁸ ¡Tatit Diosamasti bendicitäpan, jumarusti suma chuymampiwa uñjtam, uqhamarac tronoparus ucharactam reyipäñamataqui! ¡Juman Diosamajj Israelaru munatap laycu, uqhamarac wiñayataqui apnakañamaquiraquiw jumarojja reyit utt'aytam jupanacaru cheka cancañampi, cheka lurañampi apnakañamataqui!” sasa.

Qullan Arunaka DC

⁸ ¡Tatit Diosamax qullanäpan, jupax suma chuymampiw uñjtam, reyi qunuñaparuw qunt'aytam reyipäñamataki! ¡Diosamax Israelaru munatap layku, markapan wiñayatak utjañapatakiw jumarux reyit utt'aytam, jupanakar chiqa kankañampi, aski kankañampi apnaqañamataki!” sasa.

2 Crónicas 9:8 Jak'a apnaqawi uñst'ayäwi

2 Samuel 23:3

Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

1 Reyes 10:9

¡Tatit Diosamajja bendicitäpan, jupasti jumarojj ascwa uñjtam, uqhamarac Israelan reinopsa catuyaractam! Tatitusti Israelarojj munapunïnwa, ucatwa jumarojj reyita uchtam chekaparu, asqui cancañampi apnakañamataqui” sasa.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

1 Crónicas 17:22

Israel marcarojja jumaw catustajja wiñayataqui juman marcamäñapataqui uca laycu, ucatsti juma Tatituwa Diosapäyätajja.

1 Crónicas 28:5

Wawanacsti jupa Tatituraquiw waljani churaraquitu, jichhasti take wawanacajj taypitjja Tatituwa Salomón wawajjaru ajllisiraqui Tatitun marcapa, Israelpachana tronopan kont'asiñapataqui.

1 Crónicas 29:10

Ucatsti Davidajj take tantachäwi jakenacan nayrakatapanwa Tatiturojj bendicïna, aqham sasa: “¡Israel awquejjana Tatit Diosapa, wiñayataquiw bendicitäyäta!

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

1 Crónicas 29:23

Uqhamaw Salomonajj Tatituna tronopana reyita kont'asïna, David awquipa lanti, ucatsti jupajj nayraruw sartäna. Juparusti take Israel marcaraquiw ist'araquïna.

2 Crónicas 13:8

Jichhasti jumanacajj Tatitun apnakat marcapataquiw sayt'asiñ munapjjtajja, Davidat saraker wawanacapan apnakäwinacap contra, jumanacasti ucjja lurapjjtati waljäpjjatam laycu, Jeroboam chachajj korita vaca kallunaca jumanacataqui lurarapipctam, uca diosanacajj jumanacampi chicätap laycuti sayt'asipjjäta.

2 Crónicas 2:10

Ucampis jumajj yatim, nayajj irnakerinacamarojj mank'añjja churäwa, madera qhuchhurinacarusa, pusi millona pusi pataca waranka litro trigonaca, mä ucqharaqui cebadanacsa, pusi pataca pusi tunca waranka litro vinonaca, mä ucqharaqui aceitenacsa churä” sasa.

2 Crónicas 2:11

Ucatsti Tironquir Hiram reyisti Salomonarojj mä cartwa apayanïna, aqham sasa: “Tatituw jumarojj reyita utt'aytam israelitanacjjaru, jupajj marcaparu munatap laycu” sasa.

2 Crónicas 9:7

¡Warminacamajj wali cusisitäpjjpachawa, uqhamarac sirvirinacamasa jumamp chicäsinjja yatiñan arunacamsa isch'uquipjjaracpacha!

2 Crónicas 9:9

Ucatsti jupajj Salomón reyirojj churänwa quimsa waranka llätunca pataca sojjta tunca kilo korinaca, uqhamarac walja k'apquir perfumenaca, muncañ kalanaca churaraquïna. Israel marcarojj janipuniw ucqhama k'apquir perfumenacajj purirïcänti, Sabá marcanquir reinajj Salomón reyiru churcäna uqhamjja.

Salmos 18:19

khespiñ thaquiruw irpsutu, nayar munatap laycuw khespiyitu.

Salmos 22:8

jupanacasti sapjjaraquiwa: “Aca jakejj Tatiturojjay alcatchïnjja; Tatituy jichhajj khespiypan; juparojjay munchïnjja, khespiypanaya” sasa.

Salmos 72:2

chekapar uñjañamp marcamar sarayañapataqui, jan yäkat wawanacamar chekap uñjañapataqui.

Salmos 99:4

Jumajj ch'aman reyïtawa; asqui cancañar munasirïtawa; jumaw chekap sarnakañ uñstaytajja. Jumaw Jacobon wawanacaparojj sum uñjtajja, chekaparuw tariptajja, chekaparuw t'akaractajja.

Proverbios 21:3

Sacrificionaca loktañata sipansa, juc'amp asquiwa Tatitutaquejj cheka cancañana sarnakañamajja.

Proverbios 29:4

Cheka cancañampi apnaker reyejj, marcarojj thuruñchiwa, ucampis sinti jila impuesto apsurejj tucjiwa.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 62:4

Janiraquiw mayampsa: “Apanucuta” sasajj siscjjapjjätamti, orakemarus janiraquiw: “Tucjata” sasajj siscjjapjjaniti, jan ucasti sutimajj: “Nayan ajllisita” satäniwa, orakemasti: “munat warmejja” sataraquïniwa. Jumajj Tatitun ajllitapätam laycu, jupasti orakemataquejj munat chachar uñtataraquïniwa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.