2 Crónicas 8:5 - Qullan Arunaca

⁵ Uqhamaraquiw asquichayaraquïna patäjjanquir Bet-horón, aynachanquir Bet-horón ucanaca, uca marcanacasti nuwasiñatac lurat perkanacani, puncunacani, uqhamarac barranacanïnwa.

Aymar Bibliia 1986

⁵ Uqhamaraquiw asquichayaraquïna patäjjanquir Bet-horón, aynachanquir Bet-horón ucanaca, uca marcanacasti nuwasiñatac lurat perkanacani, puncunacani, uqhamarac barranacanïnwa.

Qullan Arunaka DC

⁵ Ukxarusti alayankir Bet-horón sat marka, aynachankir Bet-horón marka askichäna, uka markanakasti nuwasiñatak lurat jach'a pirqanakani, thuru jist'añan punkunakanïnwa,

2 Crónicas 8:5 Jak'a apnaqawi uñst'ayäwi

1 Reyes 9:17

Ucatsti Salomonajj wastataw lurayäna Gezer, Bet-horón, aynach toketa,

1 Crónicas 7:24

Bería chachan Seera sat phuchapasti lurayänwa aynacha, uqhamarac patäjja Bet-horón marcanaca, uqhamaraquiw lurayäna Uzen-seera uca.

2 Crónicas 14:7

Judá orakenquir jakenacarusti, aqham saraquïnwa: “Aca marcanacarojj sayt'asiñatac waquichañäni, uqhamarac ucanacarojja muyuquipayañäni perkanacampi, torrenacampi, puncunacampi, uqhamarac hierro barranacampisa, marcasajj jiwasan munañasancquipana; jiwasasti Tatit Diosasaruw thaktanjja, ucatwa jupajj marca jac'anacasampejja sumana sarnakañ churistu” sasa. Ucatsti lurañanacjja tucuyañcamaw lurapjjäna.

2 Crónicas 8:4

Ucjjarusti asquichayaraquïnwa wasarancqui uca Tadmor marca, uqhamarac Hamat chekana luraycäna ucan mank'añanac imañ take marcanacaraqui.

2 Crónicas 8:6

Ucjjarusti asquichayaraquïnwa Baalat marca, ucat ucjjar mank'añanaca imañ yakha marcanacaraqui, ucjjarusti nuwasiñ carronacan cuartelanaca, caballería cuartelanaca, take cunanactejj Jerusalenana Líbano ucansa lurayañ muncäna ucanaca, ucatsti jupajj take orakpacharu apnakqui ucanacaruraqui.

Josué 16:3

ucjjarusti pasascaquïnwa inti jalanta tokeru, jafletitas sat marcanacan orakenacap tokeru, aynachata korpasqui Bet-horón sutini chekacama, Gezer chekaru puriñcama. Uca chekatsti Mediterráneo sat jach'a kotaruw mistüna.

Josué 16:5

Efraín tribun korpasïwipajj inti jalsu toketjja Atarot-adar chekata Bet-horón chekacamänwa amsta toketjja.