2 Crónicas 7:16 - Qullan Arunaca

¹⁶ nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Aymar Bibliia 1986

¹⁶ nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Qullan Arunaka DC

¹⁶ nayaw aka uta ajllista, luqtarakta, sutixan wiñayatak ukankañapataki. Nayranakaxampi, chuymaxampisti aka utankapuniniwa

2 Crónicas 7:16 Jak'a apnaqawi uñst'ayäwi

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

1 Reyes 8:35

“Cunapachatï jallojj jan purcjjaniti marcamajj juma toke juchanac lurapjjatap laycu, ucatsti marcamajj aca chekawjanwa oración lurani, sutimsa yupaycharaquini, uqhamarac juchanacapatsa arrepientisipjjani juman mutuyatamata ucqhajja,

1 Reyes 8:44

“Cunapachatï marcamajj uñisirinacapampi nuwasir sarcani, cawqharutejj jumajj qhitcäta; ucqhatpach jumarojj oracionan mayisïtam marcam toke uñtata, uqhamarac nayajj jumataqui templo lurcta uca uñtataraqui ucqhajja,

1 Reyes 8:48

ucat take chuymapampi jumaru cutt'anjjapjjätam take jacañapampi, cawqharutejj t'akhesiñapataqui apanuccta, ucattï oracionana mayisipjjätam nayra awquinacaparu aca orake churcäyäta uca toke uñtata, jumataqui lurcta uca templo uñtataraqui ucqhajja,

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

2 Crónicas 30:8

Uca laycu jumanacasti janiy nayra awquinacamjama jan ist'asiri tucupjjamti, Tatitumpejj sumancjjapjjam wasitata suma amtäwiru jupamp mantañataqui, ucatsti jutjjapjjam santuarioparu, jupasti wiñayataquiwa uca santuario yakhachasi. Jumanacasti Tatit Diosamar sirvipjjam, jupasti janiw jumanacataquejj colerascjjaniti.

2 Crónicas 6:20

Urus arumasa jan maysa uñtasay aca temploru uch'uquinim, cawqha chekancañataquetejj jumajj arsta ucqharu. Jumajja naya sirvirimana oración luratajj-jja ist'itaya.

2 Crónicas 7:12

Tatitojj arumaw juparojj uñstäna, aqham sasa: “Nayajj mayisitamjja ist'twa, uqhamarac aca cheksa templojjataqui, sacrificionacataquiw ajllisiracta.

2 Crónicas 7:15

Jichhat ucsarusti take chuymawa ist'äjja aca chekana oración luratjja,

2 Crónicas 7:17

Jichhasti waliquiwa, jumatejj nayan nayrakatajjan sum sarnakäta David awquimjama lurasina, take cunanactejj lurañatac churcsma ucanaca, uqhamarac jaysaraquïta leyinacajjarusa, ewjja arunacajjarusa ucajja,

Salmos 132:13

Tatituw Sión kollurojj ajllisi, ucawjan jacañataquiw jupajj chhijllasi, aqhäm saraqui:

Salmos 132:14

“Acaw wiñayatac nayan utjäwejjajja; acawjan jacä, nayar cusisiyatap laycu.

Zacarías 3:2

Ucatsti Tatitun angelapajj supayarojj siwa: “¡Tatitu jumarojj juchañchpa! Jerusalenaru muniri Tatitu jumarojj juchañchpa. Aca jakesti mä akquir q'illima nina sanc'at apsutäcaspas uqhamawa” sasa.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Deuteronomio 12:21

Cawquïri chektejj Tatitu Diosamajj ajllisini jupan jacäwipataqui, ucatejj jumanacan jacäwinacamat jayancascani ucqhajj puedipjjtaw vacama, ovejama qharsusin mank'aña, cawqhantejj jacapcta uca chekana, cunjämtejj nayajj sapcsma uqhama.

Deuteronomio 16:11

Ucatsti uca fiestanacjja lurapjjätawa cawqha chekarutejj Tatitu Diosamajj utjäwipatac ajllisqui uca chekana, take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi, qhitinacatï jumanac taypin jacapqui ucanacampi.

Colosenses 2:9

Cunäquitï Diosajj ucasti Cristonwa uñsti;