2 Crónicas 7:12 - Qullan Arunaca

¹² Tatitojj arumaw juparojj uñstäna, aqham sasa: “Nayajj mayisitamjja ist'twa, uqhamarac aca cheksa templojjataqui, sacrificionacataquiw ajllisiracta.

Aymar Bibliia 1986

¹² Tatitojj arumaw juparojj uñstäna, aqham sasa: “Nayajj mayisitamjja ist'twa, uqhamarac aca cheksa templojjataqui, sacrificionacataquiw ajllisiracta.

Qullan Arunaka DC

¹² Tatitux arumaw juparux uñstäna, ukatsti sarakïnwa: “Nayax mayisitam ist'twa, aka chiqsa nayar wilañchanak luqtañ utatakiw ajllista.

2 Crónicas 7:12 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

1 Reyes 9:2

Tatitojj payïr cutinwa jupar uñstäna, cunjämatï Gabaón chekana uñstcäna uqhama.

2 Reyes 2:6

Ucatjja Eliasajj Eliseorojj saraquïnwa: —Jumajj aca chekaru kheparam, Tatitojj Jordán jawiraruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucat panpachaniw sarapjjäna.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

2 Reyes 21:7

Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

2 Crónicas 1:7

Ucatsti uca pachpa arumaraquiw Diosajj jupar uñstäna, ucatjja aqham sänwa: —Cuntï jumajj muncta uca mayita, nayasti jumarojj churämawa —sasa.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 66:19

Diosasti ist'ituwa, achict'asiñamp mayisitajjarojj jaysituwa.

Malaquías 3:4

Diosasti cusisiñampiw Judá, uqhamaraqui Jerusalén marcanacan ofrendanacapjja catokani cunjämatï qhaya urunacan cusisirïcän uqhama.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Hechos 10:31

Jupasti nayarojj situwa: ‘Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.