2 Crónicas 7:10 - Qullan Arunaca

¹⁰ Pakallkür phajjsina pä tunca quimsani urunaca sarakataruwa reyejja jakenacarojja qhitanucjjäna utanacapar cusisita sarjjapjjañapataqui, uqhamarac Davidaru, Salomonaru, Israel marcaparusa Tatitojj asqui luratapata.

Aymar Bibliia 1986

¹⁰ Pakallkür phajjsina pä tunca quimsani urunaca sarakataruwa reyejja jakenacarojja qhitanucjjäna utanacapar cusisita sarjjapjjañapataqui, uqhamarac Davidaru, Salomonaru, Israel marcaparusa Tatitojj asqui luratapata.

Qullan Arunaka DC

¹⁰ Paqallqüri phaxsina pä tunka kimsani uru saraqatarusti, Salomón reyix jaqinakarux kusisit sarxapxañapatakiw utanakapar khithanukxäna, Davidaru, Salomonaru, Israel markaru Tatitux askinak luratap layku.

2 Crónicas 7:10 Jak'a apnaqawi uñst'ayäwi

1 Reyes 8:66

Quimsakallko ururusti reyejj Israel marcarojj qhitjjänwa, ucatsti jupanacajj reyir bendiciwayasaw utanacapar wali cusisita sarjjapjjäna, Tatitojj take asqui luratapata David sirviriparu, uqhamarac Israel take marcaparusa.

2 Crónicas 29:36

Ucatsti Ezequiasasa, take jakenacasa cusisipjjänwa Diosajj cuntï jakenac laycu lurcäna ucanacata, take ucanacasti mäquiwa lurasïna.

2 Crónicas 30:26

Jerusalén marcanjja wali cusisiñawa utjäna, Israelana David Salomón reyinacan urunacapatpachjja, janiw cunapachasa uqhamajja Jerusalén marcanjja lurascänti.

2 Crónicas 6:41

“Dios Tatitu, sartasimaya jumampi arust'äwiru mantata ch'aman arcamampi, ucatsti jutamaya cawqharutejj jumajj samarcäta ucqharu. Dios Tatitu, sacerdotenacamasa khespiyasiñampi isintatäpan, uqhamarac jumar sum arquirinacamas juc'amp nayrar sartpan,

2 Crónicas 7:11

Cunapachatï Salomonajj Tatitun templopa wali suma tucuyäna, reyin palaciopsa, uqhamarac cuntï amtcäna ucanacan lurañataqui ucqhajja,

2 Crónicas 7:9

Khepürusti mä jach'a fiestwa lurapjjäna, jupanacasti pakallko uruw fiesta lurapjjäna altara loktasina, uqhamarac yakha pakallk uruw chhujllanacan fiestap lurapjjaraquïna.

Nehemías 8:10

Ucjjarojj Esdras chachajj sänwa: “Sarjjapjjam, mank'asinipjjam sumïri mank'anaca, umapjjaraquim mojjsa vinonaca, ucatsti churapjjaraquim qhitinacantejj jan mank'añapajj utjqui ucanacaru, jichhürusti Tatitusaru loktatätap laycu. Janiraqui llaquisipjjamti, Tatitusti cusisiñapampiw jiwasar ch'amañchistani” sasa.

Salmos 100:2

cusisit chuymamp Tatitur loktapjjam, jallallt'asis nayrakatapar mantapjjam.

Salmos 105:3

kollan sutipat cusisipjjam, Tatitur thakerinacajj cusisipjjpan.

Salmos 106:5

ajllitanacaman cusisiñap uñjañajjataqui, marcaman cusisiñapamp cusisiñajjataqui.

Salmos 32:11

Asqui jakenaca, Tatitump cusisipjjam, khana chuymaninaca, Tatitur cusisiñat jach'añchapjjam.

Salmos 92:4

Tatay, luräwinacamajj nayatac cusisiñawa, luratanacamajj cusisiñampiw phokt'itu.

Éxodo 18:1

Moisesan Jetro sat awcch'ipajj Madián orakenjja sacerdotënwa, jupasti yatïnwa cuntejj Diosajj Moisesataqui, uqhamarac Israel marcataquis lurcän ucjja. Uqhamarac yatiraquïnwa Tatitojj Egiptota apsunitapa.

Ezequiel 45:25

“Cunapachatejj Chhujllanacan fiestanaca lurapjjäta ucapachasti cunatejj tunca pheskani uru sarakataru pakallköri phajjsina lurasqui, marca apnakerejj pakallko urunacaraquiquiw sacrificionac jucha luratanacatjja loktaraquini, nayrïri loktäwinjja kawkha uywanactejj Tatitur sacrificion loktcäna uqhamaraqui granonacatsa, aceitetsa kawkhtejj churcän ucqharaquicwa churaraquini.

Hechos 16:34

Uca khepatsti Pablompir Silasampir utapar irpasinwa mank'ayäna. Jupamp familiapampisti Diosar iyawsapjjatapatjja, wal cusisipjjäna.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Deuteronomio 12:12

Ucatsti mä jach'a cusisiñ uru jumanacajj Tatitu Diosaman nayräjjapana lurapjjäta take wawanacamampi, uywatanacamampi chica, uqhamaraqui jumanac taypin jaquiri levita jakenacampi. Jupanacasti janiw jumanac taypina cuna orakenacsa catokapquiti.

Deuteronomio 12:18

Jan ucasti Diosan nayrakatapanacwa ucanacjja mank'apjjäta, cawqharutejj jupajj ajllisi ucqhanaqui; Tatitu Diosaman nayräjjapana, wawanacamampi, take uywatanacamampi, uqhamaraqui cawquïri levitanacatejj jumanac taypina jacapqui take ucanacampi chicaw take irnakañaman achunacapata cusisipjjäta.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Deuteronomio 16:11

Ucatsti uca fiestanacjja lurapjjätawa cawqha chekarutejj Tatitu Diosamajj utjäwipatac ajllisqui uca chekana, take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi, qhitinacatï jumanac taypin jacapqui ucanacampi.

Deuteronomio 16:14

Take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi uqhamaw uca fiestanjja cusisipjjäta.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.