2 Crónicas 7:1 - Qullan Arunaca

¹ Cunapachatï Salomonajj aca oración luraña tucuyäna ucqhajja, alajjpachatwa mä ninajj sarakanisina naqhantäna cuna loktäwitejj naqhantayañataqui waquichatäcäna ucaru, uqhamarac sacrificionaca loktäwinacarusa, ucatsti Tatitun jach'a cancañapasti templonjja phokhantänwa,

Aymar Bibliia 1986

¹ Cunapachatï Salomonajj aca oración luraña tucuyäna ucqhajja, alajjpachatwa mä ninajj sarakanisina naqhantäna cuna loktäwitejj naqhantayañataqui waquichatäcäna ucaru, uqhamarac sacrificionaca loktäwinacarusa, ucatsti Tatitun jach'a cancañapasti templonjja phokhantänwa,

Qullan Arunaka DC

¹ Salomonax mayisiñ tukuyxän ukkhaxa, alaxpachat mä ninaw saraqanïna, nakt'at luqtäwinaksa, wilañchanaksa q'al nakhantäna, ukatsti pachpa Tatitun jach'a kankañapaw utaparux phuqhantäna,

2 Crónicas 7:1 Jak'a apnaqawi uñst'ayäwi

Génesis 15:17

Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

1 Reyes 18:24

Ucatjja jumanacajj diosanacamaruwa mayipjjäta, nayasti Tatituruw mayiraquëjja; ¡cawquïr diosatejj nina apayancani, ucawa chekpacha Diosänejja! —Take jakenacaw ucjjarojj sapjjäna: —¡Waliquiwa ucajja! —sasa.

1 Reyes 18:38

Uca horasanwa Tatitun ninapajj sarakanïna, ucatsti nact'ayañatac loktäwirojja k'al naqhantäna, lawanacarusa, uqhamarac kalanacamppacha, lak'amppacha, uqhamarac k'awancqui uca umamppacha wañsuyäna.

1 Reyes 9:1

Cunapachatï Salomonajj lurañ tucuyjjäna Tatitun templopa, reyin palaciopa, uqhamarac cuntï jupajj lurañ muncäna ucanaca ucqhajja,

1 Crónicas 21:26

Ucatsti uqhamaw Tatitutac mä altar lurayäna, ucatjja loktänwa sumancäwi nact'at ofrendanaca, sacrificionacsa. Ucjjarusti Tatituruw art'äna, ucatsti Tatitojj juparojj ist'änwa alajjpachata nina sarakayanisina altarjjaru, nact'at loktäwinac patjjaru.

Salmos 26:8

Tatay, kollan utamarojj munastwa, khapak cancañamajj ucanquiwa.

Éxodo 19:18

Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Éxodo 29:43

Uqhamarac uca chekanwa nayajj israelitanacampi jiquisëjja, uca chekajj k'omachatäniwa nayan ucancatajj laycu.

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Ezequiel 43:5

Ucat Tatitun ch'amapaw nayarojj aptaraquitu, mankhäjjanquir uta ankäjja tokeruw irparaquitu, ucanwa nayajj uñjaracta cunjämsa Tatitun khanapajj temploru phokhantäna uca.

Ezequiel 44:4

Ucat uca jakesti amsta tokenquiri mantañäqui ucsaruw irparaquitu, templo uñcatasiru. Ucansti uñjaractwa Tatitun c'ajquir khanapajj temploru phokhantatapa, ucat p'ekejja orakeru puriñcamaw alt'asta.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Malaquías 3:4

Diosasti cusisiñampiw Judá, uqhamaraqui Jerusalén marcanacan ofrendanacapjja catokani cunjämatï qhaya urunacan cusisirïcän uqhama.

Hechos 4:31

Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

Apocalipsis 21:23

Uca marcanjja janiw munascänti intisa ni phajjsi khanasa, pachpa Diosaw ucan khanäna, uqhamarac Corderowa khanaraquïna.

Jueces 6:21

Ucat angelajja aychanacampiru, t'ant'anacampirojj amparapancqui uca thujrumpiw ayjjatäna, ucatsti uca kala janqharatjja ninaw mistsunïna aychanacsa, t'ant'anacsa take naqhantäna. Uccañcamasti Diosan angelapajj Gedeón jac'atjja chhactawayjjänwa.