2 Crónicas 6:5 - Qullan Arunaca

⁵ ‘Cuna urutejj marcajjarojj Egiptot apsuncta ucata jichhacamajj, janiw nayajj yakha marcjja Israelan take tribunacapatjja ajlliscti, ucana nayataqui mä templo lurasina sutejjajj ucancañapataqui, janiraquiw qhiti chacharusa Israel marcajjaru irpañapataquejj ajlliscti,

Aymar Bibliia 1986

⁵ ‘Cuna urutejj marcajjarojj Egiptot apsuncta ucata jichhacamajj, janiw nayajj yakha marcjja Israelan take tribunacapatjja ajlliscti, ucana nayataqui mä templo lurasina sutejjajj ucancañapataqui, janiraquiw qhiti chacharusa Israel marcajjaru irpañapataquejj ajlliscti,

Qullan Arunaka DC

⁵ ‘Kuna urutix markaxaru Egipto markat irpsunkta ukat jichhakamax janiw Israelan ayllunakapat yaqha markar ajlliskti, ukan nayan utaxax luratäñapataki, sutixas ukankañapataki, janirakiw khiti chacharus Israel markaxaru irpañapatakix ajlliskti,

2 Crónicas 6:5 Jak'a apnaqawi uñst'ayäwi

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

1 Crónicas 17:5

Cunürutejj nayajj Israel marcaru Egiptot apsuncta ucqhat jichhacamajja, nayajj janipuniw templonacan jaquirïcti, jan ucasti apnakaña carpanacanacwa jaquirïta mayata mayana, uqhamarac mä chekat, mä chekana.

2 Crónicas 12:13

Roboam reyejj Jerusalén marcanjja ch'amapjja jiljjatayänwa, ucatsti apnakascaquïnwa. Jupasti pusi tunca mayan maraniwa apnakañ kalltäna, ucatsti Jerusalén marcanjja tunca pakallkoni marawa apnakäna, cawquïr marctejj Tatitojj ajlliscäna Israelana take tribunacap taypita ucan jacañataqui ucana. Roboam reyin taycapasti Naama sat sutinïnwa, jupasti Amón satäquis ucanquirïnwa.

2 Crónicas 20:8

Ucana suma utt'asjjasinjja, mä templo lurayäna jumataqui, aqham sasa:

2 Crónicas 20:9

‘Jiwasarutejj cuna jan walisa mä mutuyäwisa jutani mä guerrasa, ususa, mank'at t'akhesiñasa ucqhajja, aca templo nayrakatanwa tantachasipjjäjja, jumajj aca temploncatam laycu, nanacasti t'akhesitanacajjanwa yanapa mayipjjäma, jumasti ist'apjjetätawa, ucatsti khespiyapjjaraquitätawa’ sasa.

2 Crónicas 30:8

Uca laycu jumanacasti janiy nayra awquinacamjama jan ist'asiri tucupjjamti, Tatitumpejj sumancjjapjjam wasitata suma amtäwiru jupamp mantañataqui, ucatsti jutjjapjjam santuarioparu, jupasti wiñayataquiwa uca santuario yakhachasi. Jumanacasti Tatit Diosamar sirvipjjam, jupasti janiw jumanacataquejj colerascjjaniti.

2 Crónicas 33:4

ucatsti Tatitun templopanjja altaranacwa lurayäna, uca toketsti Tatitojj sänwa: “Jerusalenanjja sutejjajj wiñayataquiw ucancani” sasa.

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

2 Crónicas 6:20

Urus arumasa jan maysa uñtasay aca temploru uch'uquinim, cawqha chekancañataquetejj jumajj arsta ucqharu. Jumajja naya sirvirimana oración luratajj-jja ist'itaya.

2 Crónicas 6:4

aqham sasa: “Bendicitäpan Israelan Tatit Diosapajja, jupasti cuntï David awquejjaru aqham sasa arscäna ucjja phokhewa:

2 Crónicas 6:6

ucampis nayajj Jerusalén marcaruw ajllista nayan sutejjajj ucancañapataqui, uqhamaraquiw Davidaru ajllisiracta Israel marcajjaru apnakañapataqui’ sasa.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Esdras 7:16

uqhamarac aparaquim Babiloniana take provincianacapana kollke, kori jicjjatapcäta ucanacaraqui, uqhamarac marcasa sacerdotenacasa churäwinaca chuymanacapatjama churapcätam Jerusalenanquir Diosan templopataqui ucanacsa.

Éxodo 20:24

Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Daniel (hebreo) 9:19

¡Tatay, Tatay! ¡Ist'apjjeta, perdonapjjaraquita! ¡Ist'apjjet, Tatay, ucatsti yanapt'apjjaraquita! Juman jach'a sutim laycu, Dios Tata, marcam laycu, jakenacam laycu, qhitinacatejj sutimsa jach'achapctjja, ucanacaru janc'aqui jutam.’

Zacarías 3:2

Ucatsti Tatitun angelapajj supayarojj siwa: “¡Tatitu jumarojj juchañchpa! Jerusalenaru muniri Tatitu jumarojj juchañchpa. Aca jakesti mä akquir q'illima nina sanc'at apsutäcaspas uqhamawa” sasa.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

1 Samuel 10:24

Samuelosti take jakenacaruw jisct'araqui: —¿Jichhajj cawquïrirutejj Tatitojj reyit ajllqui ucarojj uñcatjjapjjtati? ¡Janiw mayni israelitas jupjamajj utjquiti! —sasa. Ucjjarusti jakenacajj: —¡Jallalla rey! —sasaw art'apjjaraquïna.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”