2 Crónicas 6:12 - Qullan Arunaca

¹² Ucatsti Salomonajj Tatitun altarapa nayrakataruwa sayt'asïna, israelitanacan nayrakatapanaraqui, ucatjja amparanacapwa loktäna.

Aymar Bibliia 1986

¹² Ucatsti Salomonajj Tatitun altarapa nayrakataruwa sayt'asïna, israelitanacan nayrakatapanaraqui, ucatjja amparanacapwa loktäna.

Qullan Arunaka DC

¹² Ukatsti Salomonax Tatitun altarap nayraqatana, israelitanakan nayraqatapan sayt'asisax amparanakap luqtäna.

2 Crónicas 6:12 Jak'a apnaqawi uñst'ayäwi

2 Reyes 11:14

Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

2 Reyes 23:3

Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

2 Crónicas 6:11

Uqhamaraquiw ucarojja Diosampi arust'äwiru mantat arca ucharacta, Tatitojj israelitanacamp sumancäwiru mantapcäna uca” sasa.

2 Crónicas 6:13

Jupasti bronceta lurata alto cheka patjjancänwa, ucasti largorojja pä metro pä tunca pheskani centimetronïnwa, anchorusti mä ucqharaqui, altorusti mä metro quimsa tunca pheskani centimetronïnwa, ucsti chica chica uta ankäjjaruw uchayäna. Ucatsti jupajj quillt'asïnwa take israelita jakenacan nayrakatapana, amparanacapjja alajjpacharu loktasa,

Job 11:13

Jichhajj take cunsa chekaparu lurañ amtasim, Diosatsa mayisiraquim.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Salmos 143:6

Juma tokeruw amparanacajj loktansma, waña oraker uñtataw jumatjam pharjayasta.

Salmos 28:2

Yanap mayiscsma ucapachajj arnakasitajjarojj ist'aquimaya, amparanacajj kollan utam uñcatat aytancta ucapachajj jaysaquitaya.

Salmos 63:4

Take jacäwejjan jach'ar aptäma, jumar art'asisaw amparanacajj aytä.

Salmos 68:31

Munañan jakenacajj Egiptot purinipjjani, Etiopía marcajj Diosataquiw amparanacap loktapjjani.

Éxodo 9:33

Moisesasti faraonampi parlawayasinjja, marcat jayaruw saräna, ucansti Tatituruw mayïna. Ucatsti ucspachaw chhijchhejj t'acurawayjjäna, janiw khejjokhejjonacas utjcjjänti, ni jallus purcjjaraquïnti.

Isaías 50:10

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

1 Timoteo 2:8

Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.