2 Crónicas 6:10 - Qullan Arunaca

¹⁰ “Uqhamajj waliquiwa, Tatitusti arsutapjja phokhewa. Cunjämatï jupajj siscäna uqhamarusti nayajj David awquejja lantiwa Israelan tronopar kont'asta, ucatsti nayajj Israelan Diosapa Tatitutaquejja mä templo lurayarapta.

Aymar Bibliia 1986

¹⁰ “Uqhamajj waliquiwa, Tatitusti arsutapjja phokhewa. Cunjämatï jupajj siscäna uqhamarusti nayajj David awquejja lantiwa Israelan tronopar kont'asta, ucatsti nayajj Israelan Diosapa Tatitutaquejja mä templo lurayarapta.

Qullan Arunaka DC

¹⁰ “Ukhamasti Tatitux arsutaparux phuqhiwa. Jupan arsutaparjamax nayaw David awkix lanti Israelan qunuñapar qunt'asta, ukatsti Israelan Diosapatakix mä uta lurarakta.

2 Crónicas 6:10 Jak'a apnaqawi uñst'ayäwi

1 Reyes 2:12

Ucatsti Salomonaw David awquipa lantejj reyëjjäna; jupan apnakañapasti wali suma sayt'ayatänwa.

1 Crónicas 17:11

cunapachatï jumajj jiwjjäta ucqhajja, nayajj mayni jumat saraker wawanacamaruw sayt'ayäjja, ucatsti reinopjja sumwa utt'ayäjja.

1 Crónicas 22:11

Jichhasti nayan wawajja, Tatituy jumampïpan Tatit Diosamataqui mä templo lurayañamataqui, cunjämtï jupajj juman lurayañamataqui arsqui uqhamaru.

1 Crónicas 28:5

Wawanacsti jupa Tatituraquiw waljani churaraquitu, jichhasti take wawanacajj taypitjja Tatituwa Salomón wawajjaru ajllisiraqui Tatitun marcapa, Israelpachana tronopan kont'asiñapataqui.

1 Crónicas 29:15

Juman nayrakatamanjja cunjämatï jaya jakejj saräwincquejja uqhamaquïpjjtwa, uqhamaraqui cunjämäpcäntï nayra awquinacajjajja uqhamaquïpjjaractwa, ucatsti nanacan jacäwinacajjajja aca orakenjja mä ch'iwir uñtataquiwa, jan cuna suyt'añani.

1 Crónicas 29:23

Uqhamaw Salomonajj Tatituna tronopana reyita kont'asïna, David awquipa lanti, ucatsti jupajj nayraruw sartäna. Juparusti take Israel marcaraquiw ist'araquïna.

2 Crónicas 1:1

Davidan, Salomón yokapasti, Tatitu Diosan yanapapampejja reinopjja sumwa utt'ayasïna, ucatsti ch'amapajj juc'ampiwa jiljjatäna.

2 Crónicas 6:11

Uqhamaraquiw ucarojja Diosampi arust'äwiru mantat arca ucharacta, Tatitojj israelitanacamp sumancäwiru mantapcäna uca” sasa.

2 Crónicas 6:9

ucampis janiw jumati lurcätajja, jan ucasti cawquïr wawamatejj utjcätam, ucawa nayataquejj mä templo lurayarapitani’ sasa.

Eclesiastés 1:4

Mayninacajj nacipjjewa, mayninacasti jiwapjjaraquiwa, ucampis orakejj janipuniw mayjt'quiti.