2 Crónicas 4:8 - Qullan Arunaca

⁸ Ucjjarusti lurayaraquïnwa tunca mesanaca, ucsti temploruwa uchayäna, cupëjjarojja pheska, ch'ekäjjarusti pheskaraqui. Uqhamaraquiw korita pataca jach'a chatunac lurayaraquïna.

Aymar Bibliia 1986

⁸ Ucjjarusti lurayaraquïnwa tunca mesanaca, ucsti temploruwa uchayäna, cupëjjarojja pheska, ch'ekäjjarusti pheskaraqui. Uqhamaraquiw korita pataca jach'a chatunac lurayaraquïna.

Qullan Arunaka DC

⁸ Ukhamarus tunka mesanak lurayäna, ukanaksti Tatitun utaparuw uchayäna, kupïxarux phisqa, ch'iqäxarusti phisqaraki. Ukatsti pataka jach'a qirunak qurit lurayarakïna.

2 Crónicas 4:8 Jak'a apnaqawi uñst'ayäwi

1 Reyes 7:48

Uqhamaraquiw Salomonajj lurayaraquïna Tatitun templopana maynïr yänacajj utjqui ucanaca: korit lurata altara, kori mesa, ucaruraquiw Tatitur loktat t'ant'anacjja uchapjjerïna,

2 Crónicas 4:19

Uqhamaraquiw Salomonajj lurayaraquïna ucat ucjjar take yänacajj Diosan templopana utjcäna ucanaca: korit lurat altara, mesanaca cawquïrirutejj Tatitur loktatäcäna uca t'ant'anaca uchañataqui.

Isaías 25:6

Sión kollunsti take ch'amani Tatitojj take marcanacataquiw waquicharaquini, mä suma mank'äwi suma imat vinonacampi, sinti suma mank'anaca uqhamaraqui suma ajllit vinompi.

Ezequiel 44:16

Nayan templojjarus mantapjjaraquiniwa, nayan altarajjarusa jac'achasipjjaraquiniwa, uqhamat nayaru sirvipjjañapataqui, ucatsti nayaru sirviñanwa jupanacajj uscusipjjaraquini.

Zacarías 14:20

Uca urojja caballonacan campanillanacapasa “Tatitur catuyata” sat kellkanacanïniwa. Ucapachaw templonquir phuqhunacasa kollanaraquïni altar nayrakatanquir jach'a tasanacjamaraqui.

Malaquías 1:12

Ucampisa jumanacajj ñankhachapjjestawa. Altarajjajj mesajjäcaspas uqhamwa amuyapjjtajja; ‘Uchatäqui uca mank'anacas k'añuwa’ sasaw jisc'achapjjtajja.

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.