2 Crónicas 26:2 - Qullan Arunaca

² Jupasti awquipana jiwjjatapatjja Elat sat marcwa asquichayäna, ucatsti Judá orakenquirinacataquiw cutekayaraquïna.

Aymar Bibliia 1986

² Jupasti awquipana jiwjjatapatjja Elat sat marcwa asquichayäna, ucatsti Judá orakenquirinacataquiw cutekayaraquïna.

Qullan Arunaka DC

² jupaw awkipan jiwxatap qhipatxa, Elat marka wasitat sayt'ayäna, Judá markatakiw kutiqayxarakïna.

2 Crónicas 26:2 Jak'a apnaqawi uñst'ayäwi

2 Reyes 14:22

Ucatjja jupawa awquip jiwjjatatjja Elat sat marca asquichayasajj Judá marcar cutt'ayjjäna.

2 Reyes 16:6

Ucatsti Edomanquir reyejj cutirayasjjänwa Elat sat marca Edomataqui. Ucatjja edomitanacajj purinisajja Judá jakenacar Elat marcat apanucusinjja, jupanacawa ucan jacañataqui kheparjjäna jichhürcama.

2 Crónicas 25:23

Israelanquiri Joás reyisti Judänquiri reyirojja preswa catuntäna Bet-semes chekana, ucatsti Jerusalenaruwa irpäna, uca marcan perkapjja pataca quimsakallk tuncan metro jist'jayäna, Efraín Puncuta kalltasina Esquina sat Puncucama.

2 Crónicas 25:28

Ucatsti amayapa mä caballota apasinjja nayra awquinacapampi chicwa Davidan Marcapana imt'jjapjjäna.

2 Crónicas 26:1

Ucatsti Judá orakenquiri take jakenacajj Uziasaru catusinjja reyitwa utt'ayapjjäna, Amasías awquip lanti. Ucapachasti Uziasajj tunca sojjtani maranïnwa.

2 Crónicas 26:3

Uziasasti tunca sojjtani maranïcäna ucqhawa apnakañ kalltäna, Jerusalén marcanjja pheska tunca payan marawa apnakäna. Jupan taycapasti Jecolías sat sutinïnwa, Jerusalén marcanquiriraqui.

2 Crónicas 8:17

Ucatsti Salomonajj saränwa Ezión-geber sat chekaru, uqhamarac kota lacanquir Elat chekaru, ucasti Edom orakenwa jicjjatasi.