2 Crónicas 26:16 - Qullan Arunaca

¹⁶ Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Aymar Bibliia 1986

¹⁶ Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Qullan Arunaka DC

¹⁶ Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

2 Crónicas 26:16 Jak'a apnaqawi uñst'ayäwi

1 Reyes 12:33

Uqhamawa quimsakallkör phajjsina tunca pheskani uru sarakataru Jeroboam reyejj sacrificionaca loktäna, Betel chekana altar luraycäna ucjjaru. Acasti munañaparjama israelitanacataqui uñstayäna phajjspacha fiestäñapataqui ucawa, uca pachpa phajjsiraquiw maqhatasina altarjjaru incienso naqhantayaraquïnjja.

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

2 Reyes 14:10

Nayanjja uñt'añajjawa jumana edomitanacar atipjatama, ucawa jumarojj jach'a jach'a tucuytamjja. Waliquiwa, jumajj jach'a jach'a tucuscaquim ucampis utamancascaquim; ucawa asquïni. ¿Cunatsa jan walt'añaru mantañ muntajja, uqhamata aynacht'añamataqui jumasa, Judá marcamasa?”

2 Reyes 15:5

Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

2 Crónicas 12:1

Cunapachatï Roboaman reinopajj suma ch'aman sartäna ucqhajja, jupajj ch'amaniw amuyasïna, ucatsti Tatitun leyinacapa phokhañjja apanucjjänwa, uqhamarac take Israel jakenacas uca pachparaqui lurapjjäna.

2 Crónicas 25:19

Jumajj sistawa: Edomitanacaruw atipjta, sasa. Ucatwa jumajj jach'a jach'a tuctajja, uqhamarac jach'a cancañanacsa thakaractajja. Ucampis jumajj utaruqui kheparam. ¿Cunatsa juman jan walt'añanacjja muntajja, uqhamarac Judá marcan aynacht'añapsa?” sasa.

2 Crónicas 26:15

Ucjjarusti Jerusalenanjja lurayänwa wali suma amuyt'ampi lurat maquinarianaca nuwasiñataqui, torrenacaru uchcatañataqui, uqhamarac perkana wali alto chekanacaru uchcatañataquiraqui, uqhamata uca chekata flecht'añataqui, uqhamarac jach'a kalanacampis jakt'añataqui. Jupan jach'a cancañapasti jayacamaw purt'äna, uqham jach'a luräwinacansti Diosaw yanapascäna, wali ch'aman reyi tucuñapataqui.

2 Crónicas 27:2

Jotam reyin luratanacapasti chekapänwa Tatitun nayrakatapana, cunjämatï Uzías awquipana chekapäcäna uqhamaraqui. Ucampis jupajj janiw mantcänti Tatitun temploparu. Ucatsti marcajj jan wali luräwinacapampejja chicaquïscänwa.

2 Crónicas 32:25

Ucampis Ezequiasajj asqui catokcasasa janiw yuspagara chuymanïcänti, jan ucasti jach'a jach'aw tucüna, uca laycuwa Tatitojj jupataqui colerasïna, uqhamarac Judá, Jerusalén ucanacataquisa.

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Daniel (hebreo) 8:8

“Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Habacuc 2:4

Cunatejj kellkañamäqui ucajj acawa: ‘Jan wali ñankha jakenacajj jach'a jach'aw tucupjje, ucampis asqui jakenacajj Diosar iyawsäwi laycuwa jacapjjani’ ” sasa.

Números 16:1

Mä levitaw utjäna Coat chachan wawapänwa, Coré sutini, Izhar sat chachan wawapa, uqhamarac Rubén tribuna quimsa jakenacapampi cuna Datán, Abiram sat Eliab chachan wawanacapa, uqhamarac On sat Pelet chachan wawanacapa.

Números 16:18

Ucatsti sapa mayniw incensariop apjjarusïna, akasquir q'illimimpi, inciensompi uchapjjäna, Moisesampi, Aaronampi chicaraquiw sayt'asipjjäna, Tatitumpi Jiquisiñ Carpa nayrakatana.

Números 16:35

Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Números 16:7

uchapjjam q'illiminaca, ucjjarusti incienso warjjatapjjam, ucatsti arumanthejj Tatitun nayräjjapar uchanipjjam, cawquïri jakerutejj Tatitojj ajlliscani ucaw Tatitur catuyatäni. ¡Jichhajj ucqhaquïpan, levitanaca!

Números 17:5

Nayaw chillctayä cawquïrirutejj ajlliscta ucan varaparojja, uqhamatwa israelitanacajj jan mayampi jumanacatjja cuna jan walinacsa parlasipcañapataqui nayan nayrakatajjana” sasa.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.