2 Crónicas 26:15 - Qullan Arunaca

¹⁵ Ucjjarusti Jerusalenanjja lurayänwa wali suma amuyt'ampi lurat maquinarianaca nuwasiñataqui, torrenacaru uchcatañataqui, uqhamarac perkana wali alto chekanacaru uchcatañataquiraqui, uqhamata uca chekata flecht'añataqui, uqhamarac jach'a kalanacampis jakt'añataqui. Jupan jach'a cancañapasti jayacamaw purt'äna, uqham jach'a luräwinacansti Diosaw yanapascäna, wali ch'aman reyi tucuñapataqui.

Aymar Bibliia 1986

¹⁵ Ucjjarusti Jerusalenanjja lurayänwa wali suma amuyt'ampi lurat maquinarianaca nuwasiñataqui, torrenacaru uchcatañataqui, uqhamarac perkana wali alto chekanacaru uchcatañataquiraqui, uqhamata uca chekata flecht'añataqui, uqhamarac jach'a kalanacampis jakt'añataqui. Jupan jach'a cancañapasti jayacamaw purt'äna, uqham jach'a luräwinacansti Diosaw yanapascäna, wali ch'aman reyi tucuñapataqui.

Qullan Arunaka DC

¹⁵ Ukxarusti jupax Jerusalén markanxa, wali suma amuyt'amp lurat nuwasiñ yänak lurayäna, pukaranakaru, pirqa amstanakar uchayañataki, ukawjat mich'inaka, jach'a qalanak antutt'aniñataki. Jupan aytat kankañapax jaya chiqanakan yatisïna, Diosaw juparux kunayman tuqit yanapt'askäna, ukhamat wali ch'aman reyir tuküna.

2 Crónicas 26:15 Jak'a apnaqawi uñst'ayäwi

2 Crónicas 2:14

Jupasti Dan tributa saraker warmin wawapawa, uqhamarac awquipajja Tironquiriraqui. Jupasti yatiwa luraña korita, kollketa, bronceta, hierrota, kalata, maderata, púrpura telata, uqhamarac wila morada telata, linot luratatsa, uqhamarac wila telatsa, uqhamaraquiw yatiraqui take casta figuranaca tallaña, uqhamaraquiw luraña yatiraqui cunayman amtäwinaca waquichaña, juman yatir chachanacamasa mayipcani ucanacataquisa.

2 Crónicas 2:7

Uqhamasti, qhitanitaya korita, kollketa, bronceta, hierrota, púrpura sat telata, wila telata, uqhamarac wila morada telata, irnakañ sum yatqui uca jakenacaru. Uqhamarac yatiraquispan talladonaca luraña nayan sirviri sarayirinacajjampi chica, Judá orakena, uqhamarac Jerusalén marcansa, jupanacsti David awquejjaw lurapjjañapataqui jaytawayi.

2 Crónicas 26:14

Uziasasti take ejercitotakejja waquichayänwa escudonaca, lansanaca, casconaca, curasa, flecht'a arconaca, uqhamarac k'orawt'añanaca.

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Éxodo 31:4

suma amuyt'asa cunayman yänaca korita, kollketa, bronceta lurañapataqui,

Isaías 29:14

Ucatpï jichhajj milagronacampi, unañchanacampi aca marcarojj wasitat muspharat jaytawayäjja. Yatiñani jakenacapan yatiñanacapasti, uqhamarac ch'iqhi jakenacapan amuyt'añanacapasa tucusiniwa.”

Habacuc 1:5

“Uñtapjjam cawquïr marcanacatejj jumanacaru muyuntapctam ucanacaru; wali sustjasiñampi uñch'uquiyapjjaraquim. Niyaw nayajj take acanacjja luräjja, maynitejj jumanacar take acanaca yatiyapjjeristam ucqhasa janiw amuyapcasmati.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Deuteronomio 20:20

Ucampis tincurayapjjasmawa cawquïri kokanacatejj jan frutanac achurïqui ucanacjja, uqhamaraqui cawquïri lawanacapatejj marcaru muyuntañatac munapjjasma ucanacjja, uca marcanacan t'unjatäñapcama.