2 Crónicas 24:7 - Qullan Arunaca

⁷ Atalía warmisti mä ñankha warmïnwa, ucatsti jupan arquirinacapajja Diosan temploparu mantasinjja Tatitun templopata take yänacwa apsunipjjäna yakha diosanacaparu ucanacampi sirviñapataqui.

Aymar Bibliia 1986

⁷ Atalía warmisti mä ñankha warmïnwa, ucatsti jupan arquirinacapajja Diosan temploparu mantasinjja Tatitun templopata take yänacwa apsunipjjäna yakha diosanacaparu ucanacampi sirviñapataqui.

Qullan Arunaka DC

⁷ Atalía warmix mä ñanqha warmïnwa, jupan arkirinakapax Tatitun utapar mantasinxa taqi yänakap apsunipxatayna diosanakapar ukanakampi yupaychañataki.

2 Crónicas 24:7 Jak'a apnaqawi uñst'ayäwi

2 Reyes 11:1

Ocozías reyin Atalía sat taycapajj cunapachatï yokapan jiwjjatapa yatïna ucqhasti, sarasinjja take reyin familiapa jiwarayäna.

2 Reyes 12:4

Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

2 Crónicas 21:17

Jupanacasti Judá orakeru sarasinwa mantantapjjäna, ucatsti jupanacajj reyin palaciopan cuna yänactejj jicjjatapcäna ucanacwa apasipjjäna, wawanacaparusa, uqhamarac warminacaparusa. Mayniquiwa kheparäna, Joacaz sullquïrïqui ucaqui.

2 Crónicas 22:3

Ocoziasasti Acab reyin, uqhamarac jupa casta reyinacapan sarnakäwinacapanaracwa sarnakaraquïna, taycapajj jan wali ewjja arunaca churirïtap laycu, uqhamarac familiapana Acab familiapampi suma parlasïwincatap laycuraqui, jupan luräwinacapasti jan walinacänwa Tatitun nayrakatapana. Awquipana jiwjjatapatjja jupanacawa Ocoziasan amuyt'a churirinacapäpjjäna, ucatsti tucusiñaruwa sarayapjjäna.

2 Crónicas 24:4

Ucat mä kawkha maranac pasatatjja Joás reyejj amtasïnwa Tatitun templopa asquichaña.

Ester (hebreo) 7:6

Ucampis Ester warmejj sänwa —¡uca jan wali uñisiristi aca uñisir Amán chachawa! —sasa. Uqham arunaca ist'asinsti Amán chachajja wali sustjata, ajjsarayasitaw jicjjatasïna reyina, uqhamarac reinana nayrakatapanjja.

Proverbios 10:7

Asqui jaketjja suma amtañaw utji, ucampis ñankha jakerojja mäquiwa armatäjje.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Oseas 2:10

Munirinacapan uñjcañwa k'alalsuyäjja. ¡Janiw qhitis amparajjatjja khespiycaniti!

Oseas 2:13

Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

2 Tesalonicenses 2:8

Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.

Apocalipsis 2:20

Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.