2 Crónicas 24:10 - Qullan Arunaca

¹⁰ Ucatjja take jilïrinacasa, uqhamarac take jakenacasa cusisitawa ofrendanacapa arcar uchañataqui apanipjjäna phokt'ayañcama.

Aymar Bibliia 1986

¹⁰ Ucatjja take jilïrinacasa, uqhamarac take jakenacasa cusisitawa ofrendanacapa arcar uchañataqui apanipjjäna phokt'ayañcama.

Qullan Arunaka DC

¹⁰ Uk ist'asasti jilïrinakaxa, taqi jaqinakas wali kusisitaw churäwinakap arcar phuqt'ayañkam apanipxäna.

2 Crónicas 24:10 Jak'a apnaqawi uñst'ayäwi

1 Crónicas 29:9

Jakenacasti uqham walja churapjjatapatjja walwa cusisipjjäna, jupanacajj take chuymawa Tatitur churapjjäna uca laycu. David reyisa wali cusisitaraquïnwa.

2 Crónicas 24:11

Levitanacasti arcjja apapjjänwa reyin ucaru uñjañapataqui, ucatjja cunapachatï walja kollke utj-jjäna ucqhasti, purinipjjänwa reyin kellkeripa, uqhamarac sumo sacerdoten qhitanita uñakeripa, jupanacasti arcatjja warsupjjänwa, ucatsti aptasinjja wasitatwa cawcqhancäntejj ucqharu uchjjapjjäna. Uqhamaw sapürusa lurapjjäna, ucatsti walja kollkwa apthapipjjäna.

2 Crónicas 24:9

Ucatsti yatiyayänwa Judá orakeru, uqhamarac Jerusalenarusa Tatitutaqui ofrendanaca apanipjjañapataqui, cunjämtï Tatitun Moisés sirviriparusa, Israel jakenacarusa wasarana arsuwaycäna lurapjjañapataqui uqhamaru.

Isaías 64:5

Jumasti qhititejj asquinac cusisiñampi lurqui ucanacaruw catoktajja, uqhamaraqui cuntejj jumajj muncta uc lurqui ucarusa. Jumajj nanacataquejj coleratätawa, nanacan jucha lurapjjatajj laycu; nayratpachracwa jumarojj chuymama usuyapjjsma.

2 Corintios 8:2

Jupanacajj wali jach'a jan walt'añanacancchïn ucasa, wali cusisitäpjjewa. Jan cunanïpcchi ucasa, take chuymaw cusisiñampi churapjjäna kamirinacäcaspas uqhama.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.