2 Crónicas 22:9 - Qullan Arunaca

⁹ Ucatsti Ocoziasaru thakeriw qhitaraquïna, jupasti Samarianwa imantasïna, catuntasinjja Jehú chachan ucaruw apapjjäna, ucatjja jiwayapjjänwa. Juparusti imt'jjapjjänwa jupajj Josafatan yokapätapat amtasisina, qhititejj chekpachana Tatitur thakcäna. Uqhamata Ocoziasan familiapatjja janiw qhitis kheparcänti, rey cancaña cutsuyasiñapatakejja.

Aymar Bibliia 1986

⁹ Ucatsti Ocoziasaru thakeriw qhitaraquïna, jupasti Samarianwa imantasïna, catuntasinjja Jehú chachan ucaruw apapjjäna, ucatjja jiwayapjjänwa. Juparusti imt'jjapjjänwa jupajj Josafatan yokapätapat amtasisina, qhititejj chekpachana Tatitur thakcäna. Uqhamata Ocoziasan familiapatjja janiw qhitis kheparcänti, rey cancaña cutsuyasiñapatakejja.

Qullan Arunaka DC

⁹ Ukatsti Ocozías reyiruw thaqtayarakïna, jupax Samaria markan imantasitayna, jupar katuntasinxa Jehú chachan ukaruw irpapxäna, ukat jiwayapxäna. Ukampis juparux imt'xapxänwa, sapxarakïnwa: “Jupax Josafat chachan yuqapawa, Josafatax taqi chuymaw Tatitur thaqhirïna” sasa. Uka qhipatsti, Ocozías reyin wila masip taypit janiw khitis Judá marka apnaqirix utjkxänti.

2 Crónicas 22:9 Jak'a apnaqawi uñst'ayäwi

1 Reyes 13:21

Awqui profetajja Judá ucat jutiri profetarojj jach'atwa säna: Tatitojj siwa: “Jumajja cuntï siscsma ucar jan ist'atamatjja,

1 Reyes 14:13

Ucatsti jupatjamajja take Israel marcpachawa wal jachapjjani, ucatjja imt'jjapjjaraquiniwa; Jeroboam familiapatjja jupa sapaquiwa sepulturaru imt'atäni. Jeroboam chachan take familiapatjja Israelan Tatit Diosapajja jupa sapanacwa juc'a jupatacjam jicjjatatap laycu.

2 Reyes 9:34

Ucjjarusti Jehú capitanajj mank'eri, umiriw sarjjäna. Ucat jayp'urusti Jehú capitanajj sänwa: —Uca ñankha warmiru uñjanipjjam, ucatsti imt'anjjapjjam; jupasti ucat ucsarojj reyin phuchaparaquiwa uca laycu.

2 Crónicas 19:3

Ucampis yakha suma luratanacamawa jumanjja utji, jumasti Asera diosan lantinacapajj aca orakena utjcäna ucanacaruwa tucjtajja, uqhamarac Tatitur thaktañarusa uchasiractawa —sasa.

2 Crónicas 21:17

Jupanacasti Judá orakeru sarasinwa mantantapjjäna, ucatsti jupanacajj reyin palaciopan cuna yänactejj jicjjatapcäna ucanacwa apasipjjäna, wawanacaparusa, uqhamarac warminacaparusa. Mayniquiwa kheparäna, Joacaz sullquïrïqui ucaqui.

2 Crónicas 21:20

Cunapachatï quimsa tunca payan maranïna ucqhawa apnakañ kalltäna, ucatsti Jerusalén marcanjja quimsakallk maraw apnakäna. Jupasti jiwjjänwa, janiraquiw jupat qhiti jachiris utjcänti. Juparusti imt'jjapjjänwa Davidan Marcapana, ucampis janiw reyinacan imäwipar imapcänti.

2 Crónicas 21:4

Ucampis Joram chachajj awquipana tronopana suma utt'asisinjja, take jilanacaparuwa cuchillompcama jiwarayäna, uqhamarac Israelana yakhep jilïrinacarusa.

2 Crónicas 22:8

Cunapachatï Jehú chachajj Acab reyin familiaparu chekaparu uñjascäna ucqhajja, jicjjataraquïnwa Judá marcanquir jilïrinacaparu, uqhamarac Ocoziasan familianacaparusa, jupanacasti Ocoziasaruw sirvipjjäna, ucatsti jupanacarojj jiwarayänwa.

2 Crónicas 24:25

Cunapachatï sirio ejercitojj sarjjäna ucqhajja, reyirojj sinti usuntatwa jaytawayäna, sirvirinacapasti jupa tokjja jan wali amtapjjäna, Joiada sacerdoten yokapar jiwayatapata uqhamat uqhama cutiyawa amtapjjäna. Ucatjja pachpa iquiñaparuw jiwayapjjäna. Ucjjarojja imt'jjapjjänwa Davidan Marcaparu, ucampis janiw reyinacan imäwinacaparojj imapcänti.

2 Crónicas 25:27

Cunapachatï Amasías reyejj Tatitut sarakjjäna ucqhajja, Jerusalén marcanjja Amasías contraw jan wali lurañataqui amtapjjäna, ucampis jupajj Laquis sat chekaruw jaltjjäna. Juparusti uca marcacama arctasinwa jiwayapjjäna.

2 Crónicas 33:24

Jupan sirviri oficialanacapajj jupataqui jan wali amtasinjja, palaciopanwa jiwayapjjäna.

Jeremías 29:13

Nayarusti thakapjjetätawa, ucatsti jicjjatapjjaraquitätawa, take chuymampi nayar thaktapjjatam laycu.