2 Crónicas 2:16 - Qullan Arunaca

¹⁶ Uccañcamasti nanacajj Líbano kollunjja maderanacjja qhuchhusipcäwa, kawktï jumajj muncäta ucqha, ucatsti nanacajj aparapipjjaraquïmawa balsanacata jach'a kotanjama, Jope marcacama. Ucqhatsti jumaw apayasjjäta Jerusalén marcacama” sasa.

Aymar Bibliia 1986

¹⁶ Uccañcamasti nanacajj Líbano kollunjja maderanacjja qhuchhusipcäwa, kawktï jumajj muncäta ucqha, ucatsti nanacajj aparapipjjaraquïmawa balsanacata jach'a kotanjama, Jope marcacama. Ucqhatsti jumaw apayasjjäta Jerusalén marcacama” sasa.

Qullan Arunaka DC

¹⁶ 16 (15) Ukañkamasti nanakax Líbano chiqan kuna lawanaktix munkta ukanak khuchhusipkä, uksti qutanjamaw Jope markakam botenakat apanirapipxäma. Ukatsti jumaw uka chiqat Jerusalén markarux apayasxäta” sasa.

2 Crónicas 2:16 Jak'a apnaqawi uñst'ayäwi

1 Crónicas 22:2

Ucatsti Davidajj Israel marcanjja tantachayänwa jaya marcanquir jakenacajj jacapcäna ucanacaru, ucatsti utt'ayänwa kalanac c'uthapjjañapataqui Tatit Diosan templopa lurayañataqui.

2 Crónicas 30:25

Take Judá orakenquir jakenacawa cusisipjjäna, uqhamarac sacerdotenacasa, levitanacasa, Israelata take jakenacajj jutapcäna ucanacasa, uqhamarac yakha marcat jutir jakenacajja Israelanquiri orakenacata purinipcäna ucanacasa, jan ucajj Judá orakena jacapcäna ucanacasa.

2 Crónicas 8:7

Ucatsti hititas, amorreos, heveos, ferezeos, uqhamarac jebuseos uca jakenacajj kheparapcäna, qhitinacatejj jan israelitanacäqui,

2 Crónicas 8:8

jupanacat saraker wawanacapajj uca orakena kheparapcäna jupanacat ucjjaru, israelitanacajj jan tucjapcäna uca jakenacarusti, Salomonajj ch'ama lurañanacaruwa uchäna, uqhamäsipquiwa jupanacajj jichhürcama.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Jonás 1:3

Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Juan 1:3

Jupa tokew Diosajj take cuns luri, jan jupampejj janiw cuna luratas utjquiti.

Hechos 10:32

Qhitamay Jope marcaru, Pedro sat Simonar irptanipjjañapataqui. Jupasti lip'ichinacampi lurir yakha Simonan utapan korpachatäsquiwa, ucasti jach'a kota jac'anquiwa. Jupaw jutasin jumarojj parlätam’ sasa.

Hechos 9:36

Ucürunacansti Jope marcanjja Tatitur arquir mä warmiwa utjäna, Tabita sutini, griego arunjja, Dorcas satawa. Uca warmisti asqui lurirïnwa, pobrenacar yanapt'iriraquïnwa.

Hechos 9:38

Jope marcajj Lida jac'ancaquïnwa, Pedrosti Lida marcancascänwa. Iyawsirinacasti uc yatisinjja, pani chacharuw qhitapjjäna, Pedror jawsaniñapataqui: “Janc'ac jutam Jope marcaru” sasa.

Hechos 9:42

Ucasti Jope marcpachanwa yatisïna, ucatsti waljaniraquiw Tatitur iyawsapjjäna.

Hechos 9:43

Pedrosti mä kawkha urunacaraquiw uca marcan kamaräna lip'ichinacamp lurir Simonan utapana.

Josué 19:46

Mejarcón, Racón, uca marcanaca, uqhamaraqui cawquïri oraketï Jope sat marca uñcatasincqui ucanacamppacha.

Josué 9:27

ucampis uca Gabaón marcat jutir jakenacajj lawa, uma apanirit uscutäpjjänwa Israel marcataqui, uqhamarac Diosan altarapataqui, cawqharutï Diosajj uchasiñ muncän ucqharu. Jichhürcamaw gabaonita jakenacajj uc lurasipqui.