2 Crónicas 18:2 - Qullan Arunaca

² Ucat mä cawkha maratjja, Samaria marcaruw saräna Acab reyiru uñjt'iri, Acab reyisti Josafat reyiru jupamp chica jutirinacaru fiestachañataquisti walja ovejanaca, orko vacanaca, jiwarayäna, amtayaraquïnwa galaadanquir Ramot chekaru nuwir sarañataqui.

Aymar Bibliia 1986

² Ucat mä cawkha maratjja, Samaria marcaruw saräna Acab reyiru uñjt'iri, Acab reyisti Josafat reyiru jupamp chica jutirinacaru fiestachañataquisti walja ovejanaca, orko vacanaca, jiwarayäna, amtayaraquïnwa galaadanquir Ramot chekaru nuwir sarañataqui.

Qullan Arunaka DC

² Ukat mä qawqha maranakatsti, Josafat reyix Samaria markaruw saräna Ahab reyir uñjt'iri, Ahab reyisti Josafat reyimpiru, jupamp chika jutirinakaru katuqt'añatakix walja ovejanaka, urqu vacanak jiwarayäna, ukatsti Galaad chiqankir Ramot markar katuntir sarañatakiw amtayarakïna.

2 Crónicas 18:2 Jak'a apnaqawi uñst'ayäwi

1 Reyes 1:9

Qhä tiemponjja Adonías chachajj mä jach'a mank'äwi waquichäna Zohelet sat uca karka jac'aru, ucasti Rogel sat uma jalsu jac'ancänwa. Ucatsti ovejanaca, orko vacanaca, uqhamarac wali liq'i vaca kallunaca qharirasinjja, jawsayänwa take jilanacaparu, reyin wawanacaparu, uqhamarac jawsayaraquïnwa Judá orakenquir reyin take sirvirinacaparusa;

1 Reyes 17:7

Ucampis mä kawkha urunacatjja uca jawirajj wañt'jjänwa, uca oraken jan jallojj puritap laycu.

1 Reyes 4:13

Ben-Geber, jupasti Galaad chekanquiri Ramot oraketa, ucatsti juparojj wact'araquïnwa uñjaña Galaad ucanquiri jisc'a marcanacaru, ucanacasti Manasés ucan Jair yokapancänwa, uqhamarac Argob uca orakenacasa, ucasti Basán chekanwa jicjjatasïna. Cawqhantejj sojjta tunca jach'a marcanacajj utjcäna jach'a perkanacani, uqhamarac bronceta cerrojonacani;

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

2 Crónicas 18:3

Ucatjja Israelanquir Acab reyejj, Judá marcanquir Josafat reyirojj jisct'änwa: —¿Munasmati Galaadanquir Ramot chekaru nayamp chica nuwir sarañjja? —sasa. Josafat reyisti ucjjarojj sänwa: —Nayasa, uqhamarac ejercitojjasa jumampi, jakenacamampïpjjtwa guerrar sarañataquejja.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Nehemías 13:6

Cunapachatï take acanacajj lurascäna ucqhajja, janiw nayajj Jerusalenancäyätti, quimsa tunca payani mara, rey Artajerjes apnakcäna Babilonia marca, ucqhawa cutt'anta reyin ucaru; ucat mä kawkha urunacatjja reyitjja mayisiraquictwa cutt'aniñataqui,

Deuteronomio 4:43

Uca marcanacasti acanacänwa: Beser marca, wasara pata pampana; Rubén sat tributaqui; Ramot sat marca, Galaad orakena, Gad sat tributaqui; ucatsti Golán sat marca Basán orakena, chicat Manasés tributaqui.

Josué 20:8

Uqhamaraquiwa qhursa Jordán jawir thiyanjja, Jericó marca tokeru intis jalsunqui ucsatjja ajllipjjäna Beser sat marca, Rubén tribun orakepana. Ucatsti Galaad oraketjja Ramot sat marca ajllipjjäna, Gad tribun orakepana, uqhamaraquiw Basán orakenjja ajllipjjäna Golán sat marcaru, Manasés tribun orakepana.