2 Crónicas 18:1 - Qullan Arunaca

¹ Josafat reyejj wali kamiriw tucjjäna, uqhamarac jach'a cancañanaca catokäna, ucatsti jupajj Acab reyin awcch'i masipaw tucjjäna.

Aymar Bibliia 1986

¹ Josafat reyejj wali kamiriw tucjjäna, uqhamarac jach'a cancañanaca catokäna, ucatsti jupajj Acab reyin awcch'i masipaw tucjjäna.

Qullan Arunaka DC

¹ Josafat reyix wali qamiri munañaniw tukxäna, ukatsti jupax Ahab reyin awkch'i masipaw tukxäna.

2 Crónicas 18:1 Jak'a apnaqawi uñst'ayäwi

1 Reyes 21:25

(Acab reyjama jan walinaca Tatitun nayrakatapana lurirejja janiw qhitis utjcänti Jezabel warmipana amtayatap laycu.

1 Reyes 22:1

Quimsa marawa pasjjäna ucansti janiw guerrajj sirionacampi, israelitanacampi utjcjjänti.

1 Reyes 22:45

Ucat ucjjaru luratanacapatsa, atipjäwinacapatsa, uqhamarac cuna guerranacantejj jicjjatascäna ucanacasa kellkatawa Judá chekanquiri reyinacan crónicas sat libropana.

2 Reyes 11:1

Ocozías reyin Atalía sat taycapajj cunapachatï yokapan jiwjjatapa yatïna ucqhasti, sarasinjja take reyin familiapa jiwarayäna.

2 Reyes 8:18

Ucampis jupajj sarnakänwa cunjämtï Israelan reyinacapajj sarnakapcäna uqhamaraqui, ucatsti Acab reyita sarakapqui ucanacan sarnakatapjamaraqui, warmipajj Acab castätap laycu, uqhamasti luratanacapajj jan walinacänwa Tatitun nayrakatapana.

2 Crónicas 17:12

Josafat reyisti juc'amp ch'amaniwa tucjjäna. Jupasti Judá orakenjja nuwasiñataquiw utanaca lurayäna, uqhamarac marcanaca, imasia utanaca lurayaraquïna.

2 Crónicas 17:5

Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

2 Crónicas 18:31

Cunapachatï carronacan capitänanacapajj Josafat reyiru ujapjjäna ucqhajja, amuyapjjänwa jupätapa Israelan reyipajja, ucatjja muyuntapjjänwa nuwañataqui. Ucatsti Josafat reyejj jach'at art'asinwa yanapa mayïna, ucatjja Tatitojj juparojj yanapänwa, Diosasti jupatjja uca jakenacjja jithektayaraquïnwa,

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

2 Crónicas 20:35

Khepjjarusti Judá orakenquir Josafat reyejj Israelanquir Ocozías reyimpiwa mayachasïna, jupasti ñankha lurir chachänwa.

2 Crónicas 21:6

Ucampis jupajj sarnakänwa Israelan reyinacapana sarnakäwiparu, uqhamarac Acab chachat saraker wawanacapan sarnakäwipanraqui, warmipajj Acab chachat saraker wawanacapätap laycu, Jupan luräwinacapasti Tatitun nayrakatapanjja jan walinacänwa.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

2 Corintios 6:14

Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?